Day 3 @ Osaka (賞花篇)

感謝主!!! 係成個Osaka trip 中,, 除左Day 2落雨令行程有少許麻煩外, 其餘時間都天朗氣晴, 偶然都有陣雨,, 但往往都撞正我地係室內時先落... 真係感恩感恩!!

Day 3 一早起身見到天氣唔錯, 即時plan去大阪城公園睇下傳說中既櫻花....

去大阪城公園可以係呢個站落,, 你睇個天幾藍!!

雖然唔係全場都係櫻花,, 但依然令我陶醉!!

以下大部份相都係大少用450D影架... 果然唔錯呢!!

日本人好多都鐘意座係櫻花底下野餐.. 自己帶備座墊&食物, 係河邊&櫻花底邊享餐.. 邊賞花,, 感覺好正呢!!

櫻花已經開滿... 而且仲開始落花瓣, 企係花底下.. 感覺超靚, 好似落緊雪咁!!

噢,, 倆口子坐係櫻花底談談情, 說說愛,, 好sweet啊!!! 早知我都準備定食物&座墊去野餐啦!

由大阪城公園一直行, 可以直通到大阪城!! 遊客可以俾入場費入去觀賞,, 不過我地無入到, 要留腳力去shopping 啊! heeee

行完大阪城, 兜一個大圈又可以返去地鐵站,, 原途有小食攤, 肚餓可以買小食邊行邊食...

而且近地鐵處仲有個中型花墟, 好多好靚既花賣... 如果杜拜d花有咁靚, 我實開心死!!!

因為太多相,, 所以要將DAY 3分part post 啊!!!