死唔斷氣又吹你唔漲之聚會

其實我都唔洗多講啦...因為只要見到呢幅相, 就會知我又係講返同Cindy, 菇菇姐 & YY Cake既gathering!!!

實在係太死唔斷氣啦~~

同自己朋友出去都未必可以傾咁耐... 但對住佢地... 竟言七嘴八舌唔覺唔覺傾左四個幾鐘!

大少問我 : 你地唔口乾咩??  (sorry,,我地大大話話飲左POKKA幾公升凍水&熱水.. 又點會口乾呢?)

好耐無去POKKA 啦... 依家D裝修靚左好多~~

平日既下午茶時段好少人理..幾乎所有員工都只係serve 我地呢幾個長舌婦!!

 

(又要斟水, 又要換碟, 又要落Order, 又要影相, 又要吹水, 又要笑口'西西'對住我地!!! 最勁係菇菇姐連商場Extra service都唔放過..用手機影相影到無電, 就攞個電話去俾人幫佢叉電!! 係咪用到好盡呢

~)

食物唔多介紹啦... 睇佢地個d都已經清楚晒... 總括黎講好好味!!! 我最鐘意係既巨型多士盒... 好味~~ (菇菇姐..你是否同我喜愛一樣??)

第二次見Cindy...佢比第一次見更加熱情!!!!  我曾經被人譽為係一個"冷面美人" (呵呵呵.. 係咪好唔知醜呢~) 但我都抵擋唔住Cindy既熱情... 佢狠狠地將我溶化之餘..更加令我不知不覺愛上佢既性格.. 我諗以後所有既約會都唔可以缺少你! 

Cindy.. 你真係一個好樂天既女仔,, 我真係要好好向你學習~~

至於yy cake,, 一直俾我既感覺係萬能女俠!!! 除左照顧家中幼兒外... 仲識做好多美味既甜品,, 而且影相攞角度好靚... 初初以為佢係一個全職主婦...後來先知佢唔只要返工.. 仲要返學!!!

天呀~~ 點解有人可以咁叻咁勤力架?! 平時我做多幾小時家務已經覺得自己好巴閉架啦...識左yy cake後, 我先知咩叫

"入得廚房, 出得廳堂" 

yy cake.. 雖然我地當日蝕左..講野唔夠佢地多...但我都feel到你係一個體貼, 好善解人意既人... 好多謝你為我揀選既禮物呀..我好鐘意!!!

菇... 菇...姐!!!!! 打到呢到..我條腰骨好痛呀..

但我都要堅持發表對你既感覺~~~ 老實講,, 見到你真人,, 先知你真係一個傻大姐.. 從你講野語氣, 態度...以及與茄子人相處既方法!!!  我要係到澄清..原來菇菇姐係一個好活潑, 諗野好抵死既女孩子黎架~~ 大家唔好俾佢既網名呃到呀!!!

菇菇姐.. 唔該晒你為我換既書以及多謝你既禮物!!! 我好希望有一日你可以過著自己既理想生活... 唔好再有太多額外既煩惱... 開開心心咁為自己&茄子人生活啦~~  努力努力!!!

好開心既一日呀~~

要encoRE!! eNcoRE 呀~~~

P.S. 聽日要全日做姊妹去飲~~ 我到依家仲未訓...聽日實成隻"SONG"屍咁

!!!! 後日2號就要返台灣啦..到時可能會唔到網...大家唔好太掛住我啦!!!

仲有仲有..最緊要~~

大少5號對眼要做小手術.. 希望大家主內弟兄姊妹代禱,, 求主保守佢順順利利呀~ 唔該晒!!!!!

留港飲食團第一擊!!!

26 Sept 2007 - 金羅寶韓國料理 (銅鑼灣金百利六樓)

之前係流浪影子個BLOG到見到佢食韓國菜,, 當時係杜拜既我已經睇到口水流

.... 今次返黎.. 當然要去食啦!!

由於我地七點就去到..仲未好多人, 感覺還不錯哦!

我最愛韓國菜既前菜,, 細細碟... 每碟都啱我口味!!!  好正呢~~

其實淨係呢D前菜,, 我都可以餸兩碗飯啦..HAAAAAAAAA

我地得兩個人..又想食牛, 豬 & 海鮮...所以叫左呢份雜錦拼盤... 各樣都有, 唔洗煩!!

另外我主力想食既石頭飯~~~ 可惜呢到服務太好啦, 一送黎後, 服務員立刻幫我地撈勻,, 我無機會影相呀!!

呢個飯我覺得一般, 感覺太濕... 吉之島廿蚊石頭飯好似好味d...  隔離個牛筋湯係送既~

成枱都係野食呀...

  我鐘意呢d感覺.. 好多款式揀!!!  初初我同大少講 : 好似唔夠食, 不如再叫!!! 大少話 : 你食完再講啦~~  點知我食完碗飯再食多兩件燒烤物.. 我已經飽左七成啦~

最後仲有甜品送...

我初時同大少講我想留肚去食榴槤班cake, 不如叫佢唔洗送甜品啦... 

到我多口問個侍應係咩甜品呀??

佢答我 : 芋頭雪糕呀~~

我答 : 咦!!! 芋頭雪糕好正喎.... 哦 ,, okok!!!! (最後我成個球食晒,, 連碗都想'lam'埋~~呵呵呵

!!!)

食完飯再返太古睇"褓母日記", 呢套戲唔差但又唔會好睇到要必睇囉~~

其實我志想睇"色戎"多d....  但賣飛賣淨得頭兩行咋!!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

同場加映浮誇靚甲 :

雖然自己都識整甲, 但自己同自己整真係好鬼攰~

~ (名符其實玩手指!!!! 自己左手整右手, 右手整左手,, 要成三四個鐘架!)

最後都係的起心肝去俾人整... 好抵呀!! 二百幾蚊咋...  (已包埋施華洛水晶)

第一次做甲做得咁CC酷酷... 二百幾蚊真係抵到爛!!!!!

(唔好同我講大陸仲平... 我好少北上!!! )

有興趣既朋友可以去呢到試下架 : http://hk.myblog.yahoo.com/lovenail1110

靚唔靚呀????

追月日

各位..今日係Public Holiday...你地有咩節目呀??

聽電視講今晚半夜十二點幾係追月既好時機!! 你地會去嗎??

(我諗都無乜人會咁神心!!)

大少尋日平安到港,,, 感謝主!!

呢幾日會同大少忙於同家人聚會, 四處血拼買補給物返杜拜 (放心啦!! 尋日我已成功拒絶大少引誘..無買野~

~)

所以呢幾日應該會較忙..唔得閒探大家啦..

大家自己保重,, 唔洗留飯俾我呀~~

我會寫信返黎架啦.... 唔好擔心!!!

中秋追月快樂~~