停不了的"愛"

自從成功做出雪芳蛋糕後.. 我就好似中左毒咁... 日日心思思想整!!

 

想整既原因唔係想食.. 做蛋糕已經變成我既娛樂, 係一種樂趣!!! 成功個下既快樂大過於有得食 

所以大家唔洗擔心我成日整蛋糕會影響減肥... 學lala話齋... 喜歡做, 做完就攞

黎荼毒身邊既朋友

 

(呢招係咪好毒呢

!!)

其實屋企仲有好多野未食完, 但我手痕又想做...

打MSN問大少... 我又想做CAKE呀.. 但雪櫃仲有d未食晒... 點算?? 你會唔會幫我食晒佢??

大少覆我一句 : Go ahead!

哈.... 即刻動工!!

呢隻係士多啤梨乳酪味!!! 9月10號整既....

但效果令人失望,, 因為一d士多啤梨味都食唔出... 失敗!!!!

雖然唔係想要既味道, 但口感依然鬆軟.. 叫人唔捨得將佢遺棄!! 最後, 分晒俾人食lu

  大家估左好耐都估唔到係咩味?? 藍梅?? 芝士?? 原味??  攪到我都唔好意思講...係士多啤梨

*************************************************************************

第二日唔放棄... 再接再勵~~~

又問大少一句.. 我想再整蛋糕... 你會食架呵???

大少又回一句 : go ahead!!!

heeeee.......... 又開工~~

今次放聰明... 整香蕉玉桂味,, 味道較濃,, 應該唔會再無味掛?? (我想問各位高手,, 唔知點解焗親雪芳蛋糕都焗到個面咁醜樣... 之前我係切左爆裂位先影相, 所以唔覺.. 今次突登post出黎, 想請問如何補救??

)

今次我仲用埋香蕉肉一齊焗.... 好香呀~~

仲有少少微溫咬落去, 又鬆軟, 又有焗到軟熟既香蕉肉... 真係食完又想再食!!

(大少係晚飯前都忍唔住食左2大件~ )

呢批好味好多...再送俾同事食!!! (真係要好多謝我d舊同事..

 我每次整甜品,, 多得佢地俾面肯食咋,, 如果只係靠大少一個,, 我諗佢一早痴肥啦!!!  加上佢地次次都好俾面咁話好食, 令到我更加熱愛做cake...多謝晒呀!! )

p.s. 尋晚, 我又同大少講,, 我又手痕,, 又想整蛋糕... (我真係愛上左雪芳蛋糕啦...點算??

)

你地估下大少點答?? 答中無獎!

其實個晚我同大少講完我又想整多個雪芳蛋糕.... 之後佢就講:

下,, 又整!!!!!!

仲未食完喎~~~ 不如抖一陣先啦.... (然後我發一輪勞騷佢又"懶" 溫柔咁答!!)

其實你鐘意咪整囉,,, 整左又唔係一定要食!!!  (

#$%#$%&%  我心諗.. 整左唔食放係到望咩!!)

所以...大家估錯晒啦,, 大少都有Say NO 既時候...haaaaaaaaaaaaaa

原味食譜: 20cm x 10cm (Copy from Vanlily)

低粉 120g / 泡打粉 2/3茶匙 / 蛋黃 5個 (100g) / 糖 50g / 鹽 少 / 生油 80g / 水 80g / 檸檬汁 20g / 檸檬皮 少 /  蛋白 6個 (180g) / 糖 50g

Diana : 我自己將上面highlight材料改為 : 香蕉茸...100g, 玉桂粉 ... 3g ! 另在step 5完成後加入1.5隻香蕉肉粒拌均

(1) 蛋黃打散加糖, 鹽拌勻, 加入生油, 然後加水拌勻

(2) 加入過篩麵粉和泡打粉, 拌勻至可

(3) 蛋白打起, 粉分3次加入, 打起到十分企身

(4) 先打1/3加入蛋黃糊中, fold勻

(5) 再把餘下的2/3加入, 倒入模中

(6) 180c, 焗約30mins (可以牙籤測試)

(7) 出爐後立即倒扣

註: ~~ 這個時原味, 只要將檸檬汁和水份(即共100g)改其他材料, 即可變化萬千!

      ~~ 糖份已減, 但也可因應用的材料(水份)已再略為減少