肥騰騰

當我每次喊要減肥...

唔識我 or 未見過我真身既人都會話 --------- 減乜鬼呀! 你咁瘦都仲要減??  你睇下塊面幾尖... 邊到有肉要減呀???  你都唔係好肥姐,, 唔洗減啦~~

唔知好彩定唔好彩.. 我雖然肥,, 但永遠肥得最慢係塊面, 瘦得最快又係塊面...所以錯誤地俾人覺得我係瘦, 唔係肥!!

但現實係殘酷架~~~

我真係只得塊面係稍為瘦少少... 其他全部啖啖肉  (個個都話我啱去做收銀,, 櫃台服務個d... 只係Show個頭,, 實無人知我肥!!  )

今日突然記得以前SCAN過一幅小學既相俾大少睇 (因為佢都唔信我係肥底!!!)

所以心血來潮問返佢我幅相仲係唔係到... 我要向大家來作個 2007 大揭秘!!!

以上呢張相係我小學一二年班時影架!!! 中間個位就係我由小一識到依家都仲好friend 既 best friend - Cherry

!!

大家有冇睇清楚... 年紀小小既我... 身型已經好嚇人(婫美米之連~~) !!! 我諗當時既腰圍比起在坐各位都粗~~ 再加上個對肥美既豬腿.... 俾我踩一腳都唔得掂!!!

你地... 依家信唔信我真係好肥架

當我睇返呢張相時,,, 我終於明白點解我媽咪咁唔鐘意我肥... (直程係討厭!)  無他既... 我依家自己見到自己個死肥樣,, 我都好憎自己!! (樣衰到極點~~)

我細細個就同媽咪分開住, 跟住麻麻係HK... 當時我好瘦, 日日都唔肯食飯... 個時Daddy成日買魚肝油, 維他命丸, 魚油丸個D俾我食, 方死我會養唔大咁!! 但一直都好瘦.. 直到有一年讀幼稚園... 麻麻帶我去睇醫生, 叫醫生開D肥仔水我飲.... 飲完之後... 大家有眼睇啦!!  以後既我, 唔洗再迫我食飯, 自己自動自覺狂食~~ 加上麻麻愛孫心切... 乜都怕我食唔飽, 以致我既身型日益肥胖~~~

我以前細個塊面不嬲都係圓碌碌, 紅卜卜, 真係啖啖肉架!!!  但當我Form 1 時, 我媽咪經朋友介紹俾左隻減肥藥我食... 我一個暑假瘦左廿磅 (當時係我人生第一次減肥!!) , 之後我塊面就瘦左落黎.. 變左面尖尖... 但個身當然唔洗一個學期, 又暴漲返啦!

我諗直到依家為止, 我既減肥經歷都試過過百次... 但無乜邊一次真係瘦到好似正常既瘦人咁瘦囉!!

但由於依家年紀開始大, 亦都為著準備遲D有機會會生BB既原故... 我已經唔會再開始相信食藥減肥, 節食減肥, 去美容院做乜做乜減肥既方法!!  為左一時既貪靚, 犧牲健康.. 真係好蠢 (雖然我都蠢左好多年!!)

其實我都唔會再奢望自己會瘦到好似d 明星咁FIT.. 我只係希望上鏡時唔好太肥太樣衰, 以及仲可以隨著自己喜好打扮, 買衫我已經覺得好足夠架啦~~

heeeeeeeeeee.....  有冇嚇大家一跳呀??