回教齋戎月

今年九月十三日係回教徒一年一次的齋戎月, 話明齋戎月, 當然要維持一個月啦!

何謂齋戎月?? (太詳細我唔講, 略略話俾大家知~~)

係齋戎月呢段時期, 所有回教徒(以下稱Muslims) 係見到光既情況底下都不能進食&進飲(以下稱fasting) (當然係講緊太陽光.. 唔係屋企個燈膽啦!!) , 就算食煙&性交都一樣唔可以做!!

基本上, 一早五點開始天光已經要fasting... 一路直到黃昏入黑後無晒陽光先可以食返野!!  當然, 唔係Muslims既人可以正常飲食.. 但唔可以係公眾場合做,, 而且最好唔好俾人見到 (因為佢地會覺得你唔尊重佢地既宗教架!)

你地係咪心諗 : 下..唔係掛... 痴線架?? 咁耐點頂呀?? 

但係, 佢地事實如此!!! 無人違規架~~~ 其實咁辛苦為乜? 原因係因為佢地既信仰問題...所以要咁做!!

我係網上搵過關於Ramadan既資料,, 裡頭有講到其實佢地宗教要D 教徒每年用一個月fasting...原因有好多!! 不過我唔想係到討論人地既宗教, 有興趣自己上網serach 下啦~~

亦因為咁, 係呢個月裡, 法例規定所有公司都要提早收工2小時....

不過就算真係早收工都無用,, 因為呢到D商店全部都因為Ramadan而改變工作時間! 基本上, 天未黑你行出街係一個死城... 連Mall 入面D商店都係關門大吉架!!

原因係大部份既食肆都無開(Starbucks, KFC, M記全部都唔開架),, 加上平時呢到既商店1-4點都係off (因為天氣太熱, 中午唔會有人行街, 所以中午時份d商店唔會開!) 種種原因加埋... 呢到睇起黎就好似全世界都停晒工~

其實我點解要無啦啦講Ramadan? 因為我今年係第一次親身感受Ramadan既氣氛... 所以對我黎講, 影響都幾大!!

尋日晏晝想出去買手信... 一出停車場已經覺得條街無晒人,, 全部Shop都closed!!! 去到專賣手信既目的地,, 一樣係所有店鋪都無開門... 直程係成條街連鬼影都無隻!!!

全部商店都改晒working hour....朝早做一陣, 夜d先開工... 當然都會夜d先收工!! (我啱啱返黎見到樓下餐廳仲做緊生意~~ 但當時係半夜三點!!

)

出去乜都買唔到, 諗住去日本城行個轉!! 都無開~~ 激死!! 最嬲係連想去做Thai Massage都無開呀..

(心諗, 你地成班泰國人,, 人地Ramadan關你鬼事咩!!)

最後... 唯有兩有吉吉咁返屋企煲劇啦!!

所以唔好以為早放兩個鐘好過癮~~ 其實同坐監無乜分別! 

好彩我星期一晚就走啦~~ 大少遲我一個禮拜都會返HK... 可以離開地獄一陣!!!! 同事們... 辛苦你地留守地獄~~ (仲要無左我地兩個腳打牌.....好可憐呢!!

)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

同場加影!!!

想影左好耐啦...你地知唔知呢到D拆樓方法係點???

係就咁... 無遮無欄就咁用大鐵槌拆樓... 拆完D石屎周圍飛... 邊個唔好彩俾D野揼中... 無人鬼事lu~

~

每次架車停係呢d拆御物隔離..我就會金精火眼咁望住棟樓~~ 我真係好驚佢會無啦啦"林"左!!!