獨孤一味!

由細到大我都好少有住家飯食... 所以連湯水都特別少飲!  (涼茶更加無乜飲~)

不過我自己本身好鐘意飲湯... 尤其青口羅蔔湯, 西洋菜湯, 粉葛粉粉等等... 都係我既至愛(其實所有湯我都喜意飲!

)

平時去姑姐屋企食飯, 姑丈都會煲一大煲湯俾我呢d孤兒仔飲.... 有時我仲要又食又拎咁攞返屋企添!!

所以, 係我既知識入面.. 我完全唔知煲湯係要用咩食材 or 應該咩料配咩料煲...

什麼南北杏, 淮山, 杞子, 乜乜物物我都一曉不通.. 更加唔知佢既食用價值係d咩??

就算到我依家識煮返幾味, 但仍然係唔識煲湯.... (只靠湯包!)

我好希望將來返到香港長住後, 可以跟我表妹 or 姑丈教下我點煲湯.. 將來可以煲d有益又好味既靚湯俾大少飲~

不過,, 有一款湯係自己上網睇recipe...唯一一款我睇得明, 又成功煲到既湯 ------ 就係蕃茄薯仔蘿蔔排骨湯啦~~

味道清甜又有益.... 所以成為我唯一既"撚手"湯!

材料非常簡單 :

薯仔, 紅蘿蔔, 蕃茄(約五-六個), 排骨, 冬菇, 少量南北杏(唔知點分.. 白色一粒粒個d), 兩粒紅棗

蕃茄係我同大少至愛既食材....無論早午晚三餐都可以食... 簡直係百吃不厭

做法簡單 :

先將排骨出一出水備用!  然後煲滾一煲清水(約6-7碗水), 加彊, 放入排骨, 待再水滾後放埋其餘材料... 滾後轉慢火煲1.5-2小時.. 見到湯既顏色轉晒紅色即可!!!! (切記唔好貪心落太多水, 否則唔夠味!)  

飲用前可加少許鹽...但其實如果份量煲得啱,, 唔洗加鹽已經超好味!!!!

如果嫌排骨出得太多油, 可用隔油湯壺隔走油份... 咁樣呢碗湯就真係又健康又好味啦! (不過我好懶..無咁做!!

)

兩餸一湯,, 白飯任裝!! 招呼唔到啦~~