出事啦~

4 Sept 2007 - 玉桂雪芳蛋糕

經常見到好多Bloggers鐘意整雪芳蛋糕.... 早前亦吹過一輪戚戚風, 個個都湊熱鬧一齊做雪芳蛋糕!!

我呢d初哥當然唔好意思又跟埋一齊做啦... (如果大家記性好, 記唔記得我曾經整左個失敗的雪芳蛋糕!!) 所以我都唔好意思加入, 只好乖乖睇下大家既作品&分享!!

直至Vanlily post左做雪芳蛋糕既"大秘訣".. 

 加上又見到

minicorgie既玉桂雪芳蛋糕,, 當堂挑起我團火~~~ 好想試, 好想做.... 忍左幾日~ 終於係前日夜晚十一時開工!!!

今次令我一直緊記於心既..當然係打蛋白既過程啦!! 餅神教落,, 要打到好似花倫同學個髮咁企咁尖~ 

我係咁起勢打打打打打打打打打打打打打打打打打打打打打打打打打打打打打打打打

叮!!! 成功左~~~

感覺餅神Vanlily既教導!!!!

多謝

minicorgie既靈感...

 

玉桂味係大少既至愛!!! 焗完成間屋都係玉桂味呀..(中央冷氣既弊處就係呢到.. d味焗住係間屋到,, 第二朝仲聞到呀...陰功!

)

倒扣待涼後,, 好心急攞上碟~

嘩..個感覺完全唔似我上次做o個個,,, 今次呢個好軟熟呀..大力d都怕佢斷開

!! 我已經知道呢次真係掂呀!!! yeah~~~

當然急不及待切一小件俾大少試下!!!

佢拍晒手掌話..呢個好得,, 好味過芒果蛋糕好多喎!!! (車... 貪新忘舊!)

我記得好似菇菇姐話過,,, 雪芳蛋糕既氣孔越細越好... 我唔識睇呢個算唔算細,,因為都仲係見到有氣孔

, 但我已經好滿足.. 因為起碼有大躍進呀!! 感謝主~~

份量多左,, 我又用心心模焗多六隻出黎.... 送左四隻俾Club House 既 Reception... (希望佢地唔好誤會我對佢有意思啦!)

我真係好開心呀~~ 因為第一次成功做到一個好軟熟, 好好味既雪芳蛋糕!!

我終於明白點解咁多bloggers都咁沈迷呢款蛋糕啦... 看似簡單, 但食落真係無得頂~~~

死啦.. 我出事啦!! 又多一款蛋糕列入去My Favorite List 啦!!

再一次多謝Vanlily & minicorgie 

食譜可去Vanlily 到睇...好詳盡架!!