返港前12小時

我坐個班機係18號零晨12點10分, 所以係17號夜晚就要出發...

前一晚已經將所有手信, 幫人買既LV袋PACK好晒入喼... 自己既衫褲鞋襪就隨便帶左少少, 今次個喼七成以上都係易碎物件, 所以大少好小心翼翼咁幫我安排好點樣放, 以防返到香港,, 乜都爛晒~~

11:00AM

知道返HK後可能會少左做運動, 所以一早我都如期上club house 到跑左一個鐘頭步...

12:30AM

急急腳煮Lunch....

我地最鐘意食既蒜蓉大蝦炒黑椒義粉

屋企仲有西蘭花, 西生菜, 苦瓜... 唔知大少呢幾日會唔會幫我清晒佢地呢??

2:00PM

洗完碗後, 我仲要準備材料整排骨蘿白炆冬菇俾大少食,, 因為如果我唔整定..呢條價值四十蚊港紙既蘿蔔會白白浪費!!

3:30PM

10月9號就會到期既酸忌廉, 我唔想浪費... 所以焗左個NY Cheese Cake 俾大少&同事們食!! haaaaaaaaaaaaaaaaaaa (臨走都要儲肥佢地!!!)

4:00PM

最後, 就係幫大少燙埋D衫&褲...

6:00PM

終於攪掂晒..可以放心返香港啦~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

夜晚我地七點就要出發, 大少原本想係屋企食埋先走...但我又懶, 而且唔想煮完留返D手尾要大少執, 所以我都request左出去食...

揸車左去杜拜一間泰國餐館... 呢間泰菜都幾正宗... 杜拜既餐廳選擇比起我住既阿布達比真係又多又好味!!!

呢碟係送既泰式沙律 (內有炸椰絲, 生洋蔥, 檸檬, 辣椒, 彊粒, 花生粒, 中間係甜甜地既醬)... 大少以前黎過呢到食, 一早已經推介話好好味!!

食法係將以上所有材料放係呢塊葉到, 加埋少少甜醬,, 食落口真係有齊晒甜, 酸, 苦, 辣既味道... 好過癮呀

!!! 好好味~~ 可惜只有五塊葉... 可能就係咁, 小吃多滋味囉!!!!

另再order一碟軟殼蟹, 可惜太油膩, 炸粉多過蟹...唔好食之餘, 可能就係太油既關係, 攪到我個晚&第二日都有少少肚疴現象!!!

大少必飲既冬陰功湯... 好清.. 一d都唔油..但我覺得太辣.. 無飲到

最後仲有泰式炒麵&炒什菜... 水準都OK!

食完呢餐飯,,, 急急腳又向機場出發啦~~~