意外驚喜!

大家都好關心大少究竟又俾左d 咩驚喜我呢??

其實....  無乜野特別, 只係小小既禮物~~

唔好以為又係LV啦... 我唔係淨係識買LV架!! 我份人絶對唔係一個貪名牌既人... 只要個款啱心水,, 無牌子, 幾十蚊既野我都一樣會買黎著, 買黎用, 買黎玩, 買黎食架~~~

*******************************************************************************************

前日大少一早出左杜拜開會, 直到晚上十一點幾先返!!!

按照佢平時既行為, 我知道佢最鐘意趁自己一個人出去杜拜既時候走去買野送俾我... 而今次, 我其實都有偷偷發白日夢咁諗,, 唔知佢會唔會又靜靜雞買野俾我呢??

不過我再細心諗... 最近都無咩特別同佢講過話鐘意d乜... 佢個傻佬應該唔會咁醒自己走去買野 (之後我都無再諗呢個問題~

~)

直到大少返左屋企, 咁啱我係廚房整緊蛋糕 (無錯, 我係夜晚十一點先走黎整!! 手痕呀麻~

~)

大少就大大聲話... 呢個送俾你架!!

我即刻以九秒九速度跑出去睇下咩黎先????  滿心歡喜一望~~~

原來係一包米!!! (妖~~ 玩我!!!

 繼續入廚房整蛋糕!!)

直到臨入睡房前一分鐘.... 大少當時已經係SOFA到''合'' 著左... 我叫醒佢之後, 佢就係SOFA邊到陶出以下禮物..... 哈哈哈

我緊係開心到死啦!!! 係咁攬住佢錫....  開心唔係因為禮物既價值或買左我想要既野.... 我好好好好好開心既原因係.. 佢出去開成日會, 又要同客食飯.. 都仲咁有我心去買小禮物俾我.. 我真係好感動呀!!!

   比起我自己揀要乜要乜更開心呢~~   

心意真係好緊要!!!!  無論情人, 家人或朋友.. 大家都一定要用心對待別人呀~

初初見到個盒,, 仲以為係手飾... 一打開攞出黎睇,, 原來係一條電話繩~~~

我其實從來無提過, 亦都無講過想買電話繩... 我唔知點解大少會買俾我?? 但越係我估唔到既野,, 我就越開心~~~ I like happy surprise!!

我好鐘意mini既野... 呢個電話繩最靚既地方, 我覺得係個底刻左Celine呢個字!! 原因唔係因為我貪佢有牌子,, 只係覺得手工幾精緻~~ (說老實, 我從未買過呢個牌子既野!!

所以唔明點解大少會揀佢?)

 

其實我未必會用呢條電話繩... 一來我唔捨得用, 怕好快殘!!! 二來呢舊野都幾重,, 我怕我心急聽電話時, 一"喂"

... 即時俾佢

卜穿個頭!!!  (但大少今日已經問我掛左上電話未~

)

老公..

多謝你呀!!!

 我諗你親眼見過我當時個樣, 你都知我有幾咁開心啦 ~~~

多謝你咁有我心... 多謝你咁錫我.... 同你一齊,, 我真係覺得自己好幸福!!

I love U!

(雖然我地未結婚.. 但我地平時都係咁稱呼... 所以我唔要面都要公開寫出黎啦!! 請大家唔好當我面話我唔知醜啦  )