懶蛇聚會~~

今日好開心呀~~

約左好耐, 等左好耐..終於可以同班靚女blog友去JW Mirriott到嘆TEA....yeah!!

我同GG & Karen 一早已經係PP行左幾round, 踏正三點即刻衝上JW座低先~~

Tea buffet 於三點半先開始... 我成朝無食野就係等呢一餐.... 衝呀!!!!

今日掛一號風球,, 天色唔好...加上酒店既燈光較暗, 攪到我地每食完一round野就好似條懶蛇咁挨係張櫈到好想訓覺呀!!! (尤其係我~~)

我都唔記得今次係第幾次去jw食tea buffet...但印象中次次都有d食物款食係有唔同... 唔錯唔錯!!

以上就係我食既野... 個粥真係好正... 魚生都十分新鮮!!! 最令人期待既當然係Desserts啦... 綠茶布甸簡直係一流呀!!! 

係咁食食食... 我飽死左啦 晚餐都唔洗食~~

吹水時間當然過得快啦... 你一言我一語.. 話咁快又到六點啦!!! 快d交換禮物再影幅合照先~~

呢個係餅神Vanlily做俾Karen既生日蛋糕....可惜當時大家都太飽..所以無機會食!!!

Karen...你就好啦~

Vanlily...下次我一定要食你親手做既餅呀!!!

呢堆禮物就係我今日既收獲啦~~ haaaa

迷人粉紅枱墊 by Vanlily (好啱用!!)

好香既Crabtress & Evelyn La Source Bath Tablets by 天蠍GG (好香呀~~)

好有意義既記事薄&得意書纖 (仲有兩支好香好香既Lavender) by Cindy (我會記住你既意思架啦!!)

鬼馬安全套朱古力 & 水份ROSE MASK by GG (我一定會請大少食..haaa)