Special For You~

大少最近工作繁忙, 好多時都要捱通宵... 作為佢最愛既人, 我當然要好好煮餐飯俾佢食, 當作支持!!

 (雖然唔係咩珍餿百味,, 但我知大少一定鐘意!!)

怕左你地,, 之前張相打格仔係諗住將個focus放係D餸到,, 但你地就以為我有咩唔見得光既野唔俾得你地睇!! 睇到啦... 心息未呀???

今次主菜有我第一次整既豆腐蒜蓉蒸開邊蝦!! 係同事屋企食得多, 試下自己整先!!! 不過我係d蒜蓉到加左白胡椒粉,, 我同大少覺得更加野味~~

第二味!!  生菜肉碎卷~~~  唔好睇佢好似好普通... 但食落真係一級棒!!!!

內有Pork mince, 冬菇粒, 炸菜粒... 送飯食一流呢!! 

將d肉碎放係生菜到... 卷埋就食得!!

我好鐘意買美國生菜, 因為好大個,, 我地兩個人可以分四餐食... 生菜可以做沙律菜, 蒜片清炒, 生菜卷, 雜菜煲,, 乜都得呀!! (雖然係到買要成三十幾蚊一個, 但都值得買呀!!)

再點埋d泰國酸辣醬... 真係好good 架!!! 你地鐘唔鐘意食呀??

雖然得兩樣餸, 但大少係呢一餐裡頭, 我諗前前後後讚左我六、七次 : 嘩.. 正呀,, 真係好好味!!! 好正呀~~ (仲要搖住個頭好滋味咁講!!)

感謝主賜俾我有能力去為我愛既人煮每一餐飯!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

生菜肉碎卷做法:

將豬肉碎, 冬菇粒, 炸菜粒.. 用醬油、糖、麻油、生粉 & 少許黑椒醃一小時

落油待熱, 放下炒至熟&乾身, 試味,, 即可!!!

快, 靚, 正~~~

豆腐蒜蓉蒸開邊蝦做法 :

1) 將蝦洗淨, 去腸, 略劏開一半

2) 豆腐切片鋪在碟上 (先去走豆腐水), 倒入少少冬菇水or水, 灑少量雞粉

3) 預備大量蒜蓉粒, 加上適量Olive Oil, 糖, 白胡椒粉攪均待用

4) 將蝦抺乾身放在豆腐上, 在蝦上灑上鹽

5) 待水滾後臨放碟入獲蒸前先鋪上蒜蓉醬(同事話蒜蓉會'娜'到d蝦唔好食, 所以唔好貪方便一早放上蝦到!!)

6) 大火蒸3-5分鐘, 即可!

切記唔好蒸太耐, 否則d蝦會好'UN'!!!