偶有佳作 by 大少

每逢weekend, 我就會好懶....

通常都會遲過大少起身, 而且唔願煮飯...

所以放假個兩日我地多數出街食或者隨便吃吃便算!!

偶然,  大少都會落廚煮下野俾我食

  但佢多數都會問我想食乜, 依照我既意願去煮。

相對地, 我唔想麻煩佢.. 我都會order一d較簡單既食物 e.g. 通心粉, 三文治, 米粉 etc.

前日去完Fish Market入貨, 一返到屋企我已經攰到攤屍咁攤係 sofa 到涼冷氣..

呢幾日唔知做乜特別熱...熱到我無晒mood.. 連大少話倍我去shopping, 我都話唔去啦!!! (我唔想再離開個冷氣房~~)

由於未食晏, 大少問我想食乜?? 其實我都無乜胃口, 求其話想食份三文治!! (之後自己上網, 打機無理佢~~)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

1小時後 ----  我先發覺大少唔見左好耐... 走入廚房望一望.. 先知原來佢精心炮制緊大蝦沙律三文治俾我食!!

嘩.....見到個賣相.. 心情當堂開心晒!! YEAH~~ 係咁熱既環境下, 有清新大蝦沙律食... 仲有我至愛既麥包三文治... 我不禁要讚下大少 : 整得好good呀... 有驚喜!!!!! (唔再係通粉啦

) 好正呀~

你地睇下... 大少仲要抵死到用枝牙纖"吉"住份三份治,, 真係好似出街食咁

!!!!  另外, 佢仲好有心機咁將隻蛋煎到好似日式個d蛋咁一層層 (其實大少仲有心思過我~~) 

仲有仲有,, 唔好睇個沙律好似好普通... 其實內裡包含 : 西芹, 磨菇, 生菜, 蘆荀等....樣樣都要切少少出黎煮... 少D心機都唔得 (俾我就唔會咁嘥時間, 求其生菜就算!!)

又係大蝦!!!  你地睇下佢條"膏"幾大條~~

**************************************************************************************************

又係時候要讚下我親愛既大少 :

你對我真係好好

你成日問我 : 日日都要煮飯俾你食, 會唔會好辛苦?  其實諗深一層,, 你除左日日返工辛苦搵錢外, 連放假都要服侍我,, 你咪仲辛苦!!!!

每個人都有自己應該要做既事.. 我要做既事.. 就係日日都照顧得你舒舒服服... 開開心心~~ 而你要做既事就係努力賺錢(俾我洗!), 健健康康就夠啦~~  所以, 以後唔好再問我辛唔辛苦啦... 我都不知做得幾咁HAPPY !!

Dar..I really love you so much ~~