幸福小女人- Diana: 3月 2008

2008年3月31日星期一

世事無常!!

發洩一下 :

三月份,, 我既心情高低起跌得比平時多!!! 日日抱住期待又失望,, 失望完又有希望既心情去渡過每一日!!

- 最早早早期既T trip planning

大少同事一早問我有冇興趣去T玩啊?? 我地欠一個人啊!!!
聽後.. 都好喎, 橫掂我都悶悶地,, 想去下旅行!! 一心諗住可以去,, 點知大少又話不如我地去M trip囉.. (OK,, 當然大少係我首選啦!!)

- M trip planning

有機位 ,, 無房; 有房... 又變左無機位; 有房,, 有機位, 但又唔係自己想揀個樣野!! 日日等travel agents's email..等到花兒也謝了~ (最後告吹!!!!!)

即時想返兜同事們既T trip....但人地已經book晒野,, 齊晒腳,, 我都唔好意思話加入啦! 唉~

- 到第三個O trip planning

有有有..放心, 一定有位(agent說的)!!! 點知到confirm個日先話,, 噢... d房好爆啊, 你再等等我消息啊,, 幫你追緊!! 就係咁.. 我等等等,, 又等等等等..... (最後放棄!!)

- 揀無可無第四個T trip planning.... (呢個一定係最無問題,, 因為返鄉下姐,, 唔會咁都無機位掛?!)

今日想行動book機票時,, 又突然收到O trip agents既email話有房有機位... 一切OK!!!

嘔血....sigh!!! 人生就係咁... 我日日追追追,, 追到肺甩都無,, 到我想放棄,, 佢又有,, 吹啤!!

************************************************************************************

呢段時間我就係日日咁等email... 打長途返HK問價又追位,, 又自己上網check價錢, 攪左好多野...

今日,, 皇天不負有心人, 終於得到travel agent最後既confirmation!!!! 真係感恩感恩....

- 雖然未能夠去最先想去既地方.. 但可能都係一件好事,, 可以俾多d時間我減肥! 哈

- 雖然miss左可以同朋友去東京既機會.. 但都無法, 鬼叫我遲遲都未能做決定咩! 依家有得同大少去,, 仲好呢!!

- 雖然永遠都係要捱貴機票, 站在waiting list 既邊緣... 但總好過連等既機會都無!!

- 雖然只係去得五日,, 仲要連去既地方有咩好玩都未知?? 但我仍然感到快樂!!

- 雖然又係好似著草咁,, 但我真係好享受同大少自由自在咁去旅行, 無電話騷擾!!

- 雖然唔知自己想講乜.. 但好開心!! 因為我除左有得去旅行,, 仲可以返HK探親!!

- 雖然Y! blog會暫停工作,, 但我仍然要寫我想講既野!!

各位... 可唔可以提供一下去"Osaka 大阪"既行程作參考呢?!

感激感激!!!

2008年3月30日星期日

抵錫!

大少每到weekend都會自動自覺入廚房做早餐... 實在太抵錫啦!!!!

今次仲有雙重驚喜!!!!(仲有要讚下大少既present越黎越得啊,, 識得用芫茜放係庵列面! 有進步, 有進步...)

佢竟然好鬼馬地識得用我買既心型模黎煎蛋... 哈!! 第一次食到別人為我整既心型食物.. 原來真係好Sweet 呢!!!!

第二驚喜係大少原來花左好多心思係呢個早餐到,, 佢選用大蝦切粒黎做庵列,, 又剝殼, 又挑腸... 真係唔簡單啊(俾我一早起身實無咁好心機攪咁多野)!!

嘩...超美味呢!!!! 第一次食咁用料十足既庵列,, 好鮮味, 又有口感... 超讚~~

最近家中又買左樣新成員 ---- 咖啡機是也!!!!! 依家每朝都飲到香濃咖啡外... 仲可以自己整cappuccino.... 突然感覺自己好識享受人生呢!! 哈~~ (要享受得好當然要付出啦,, 咪就係洗餐屎囉, 不過值得值得!!)

噢... 呢餐好正啊!!!!! Darling, I love you so much!!!!

2008年3月29日星期六

復工

之前心口痛, 醫生遙距疹斷係骨膜炎, 叫我暫時唔好做太多粗重事, 免得又引起發炎,, 所以近呢兩個星期,, 有咁懶得咁懶... 乜都唔想做,, 連包包都唔敢搓!!!

無自家包包食, 唯有出街買,, 可惜每次都買唔到一款可以代替自家包既貨識!! Sigh~

最後, 忍唔住啦.. 我都係要出手!!

簡簡單單做左一款綠茶湯種扭紋包,, 唔稱得上絶等好味.. 但比起出面個d, 當然無得比!!

呢款包包之前都做過, 不過係做肉桂味,, 今次想攪攪新意思,, 改用綠茶!!! 味道當然唔及肉桂咁出啦... 其實食落都無綠茶味,, 只可當作顏色點綴!!

我覺得卷包好靚... 令到一個無乜特別既吐司,, 增添多一份新鮮感!

等待大少放工期間太肚餓,, 自己忍唔住用左d日式伴味粉夾住食左塊包包.. 好好味呢!!!

其實呢到只夠食兩日咋!! 每人每朝兩塊,,, 清晒~

我係跟MC個食譜做,, 可能本身我個模唔夠大, 所以仲有麵團剩.. 我就用左另一個正方吐司模黎焗多個送俾同事食... "我很醜... 但是我很易入口"!!!

食譜全COPY from MC 實驗室 (thank you MC)

食譜參巧 : 65'c湯種全麥吐司 (我更改了部份材料和做法)

基本麵糰材料 :
A) 高筋粉 240g, 糖 25g, 鹽 3g, 蛋 38g, 水 90g, 奶粉 15g, Yeast 4g.
B) 湯種 : 熱水 50g, 高根粉10g, (熱水 + 高根粉搞拌後放涼備用)
C) 牛油 25g.

可可麵糰材料: (Diana 改用綠茶粉)

A) 高筋粉 240g, 糖 30g, 鹽 3g, 蛋 38g, 水 90g, 奶粉 10g, 可可粉 8g (綠茶粉10g), Yeast 4g.
B) 湯種 : 熱水 50g, 高根粉10g, (熱水 + 高根粉搞拌後放涼備用)
C) 牛油 25g.

做法:
1.) 先將材料(B) 混合備用,
2.) 將(A)部份混合後加入(B)拌勻成麵糰, 再加入 (C) 搓至光身和起薄膜狀,
3.) 麵糰放於溫暖地方進行第1次發酵約60mins至2倍大,
4.) 取出麵糰捍平成長方型, 靜置15mins,
5.) 將2款麵糰上下疊起並卷好, 把麵糰切數份,
6.) 按平後卷起並排放模內, 再發酵發約60mins至2倍大,
7.) 以180度焗約 25mins 至金黃取出放涼便成.