今年九月一號起係回教國家齋戎月既第一日. 由今日起, 凡有陽光既時候都不能夠進食/飲水 (詳情可以睇返上年個編有介紹過), 但凡齋戎月期間, 大部份公司都會提早收工, 但就無左食lunch time.
即係話, 由今日起, 大少應該唔會返黎食lunch, 如無意外唔洗OT的話三點就可以放工走人!
但照計我既生理時鐘, 我又點可能等到佢三四點返黎先開餐呢????? 今日下午兩點我已經忍唔到肚餓自己摷野食, 結果整左一餐好令我滿意既午餐~
酥皮橽/盒 , 隨意叫啦, 因為我都係求其整.
用牛油炒香磨菇粒, 加少少黑椒&鹽吊味, 配埋煙三文魚, 一絶!!!
另一款就係煙三文魚配紫菜肉鬆, 一樣好好味!
酥皮係現成買返黎, 超級方便簡單, 咁好味既野當然預埋俾大少! 酥皮焗完凍左再返焗都一樣好脆好新鮮~
大少每次放工返黎開門就會聞一聞, 然後估下我個日煮左D乜,, 我好鐘意每次見佢返黎, 佢都會走入廚房錫啖我, 然後問我今晚有乜食? 因為我睇得出佢每日呢個時候個樣係最開心同最relax~
今日雖然一個人食lunch, 一邊食一邊追返之前未睇既"命中注定我愛你", 又幾好睇喎!
呢杯係草莓鮮奶, 超級香滑, 極力推介~~~
仲有綠茶味都一樣好正, 之前yy cake送過俾我飲後我就愛不惜手!! 早排吉之島做特價$16.9一盒, 我買左十幾盒, 連大少都話好正, 下次見到要再入貨~~
F
回覆刪除