酥皮肉鬆包

先兩日真係不停做包包&甜品, 直至今日先停一停, 抖一抖... 原來新屎坑, 真係會有三日香!!

由上星期五晚就急不及待要試新機, 一開始就選擇做雪芳蛋糕, 因為可以test下個打蛋器係咪真係咁強勁!!  試過後, 真係不斷嘩嘩聲,, 唔洗兩分鐘就可以打到好企好企既蛋白,,, 勁啊!!!

同一晚, 做完雪芳後, 心癢癢再整多個芝士棉花蛋糕(for 上星期六visa run長征既乾糧), 所以上個禮拜六真係攰到甩肺!!!!

星期日回過氣後, 立即又動工做包包,,, 買呢部機就係為左做包包, 心大心細之下, 最後選擇做"酥皮肉鬆包"

原來VCD無呃人, 將所有材料倒入Mixing Bowl到, 真係可以打到一團好靚既麵團出黎(當然仍需按照正常既程序), 而且只需大約十五分鐘就可以打到起薄膜!!! 好開心啊~

第一次將酥皮同麵包一齊焗, 酥皮稍為遲少少先識發漲,, 但係發漲後真係鬆化得有點驚人... 洗唔洗咁"酥"啊?!

由於唔夠酥皮, 又唔想開過一包新, 唯有將七塊酥皮左cut右cut, 務求令到十隻包包都有酥皮,  慶幸, 效果出黎有驚喜喎,, 個款唔錯呢!!

不過我覺得今次d包包質素唔滿意,, 因為唔夠軟熟, 質地有少少鞋口,, 懷疑因為overcook問題 (因為酥皮無反應, 我要加熱個爐再焗多五分鐘先識起酥!!)

其實我都唔知係咩問題??? 有時候去到呢D位就覺得自己好無用, 做左咁多次包包但每次結果都唔夠穩定,, 一時好好味, 一時又麻麻地... 唉!

依家唯一安慰自己既就係賴落隻麵粉到... 嗚~~