巧手小菜

又到放假既日子!!! 時間過得好快, 眨下眼又一個禮拜~~

前兩日大少趕proposal 攪到日日訓得幾粒鐘, 尋晚佢食完飯返屋企竟然連涼都唔肯去沖, 一訓就由十點訓到今朝九點!  由於佢無沖涼訓, 所以唔可以入房, 而我又唔想同佢分開訓, 變相我都要做廳長... 成晚訓得唔好呢~

今朝十分精神既佢一早走去煮早餐 (人地都未訓飽, 咁早食做乜喎!!), 煮到一半仲叫我幫佢沖咖啡! (因為佢知自己手腳慢, 攪得部咖啡機黎, d野食又會凍晒)

今朝既早餐賣相欠奉, 但佢做左一款佢話自己最拿手既早餐俾我, 就係pancake + 飛碟! 係我唔係杜拜期間, 因為趕時間或者諗唔到食乜, 大少就會自己整飛碟食, 又快又飽肚喎~ 但佢今日整既飛碟似乎俾外人星炸燶左咁.... (都話佢手腳慢, 顧得pancake又顧唔到隻飛碟!)

不過我仍然好開心佢為我做左一份"早餐", thank you my darling!

而我就為佢做左一杯愛心cappuccino ~

尋日大少有朋友剛到Abu Dhabi, 今日就請佢地黎我地屋企食餐便飯, 希望佢地黎緊係呢邊工作順利, 最緊要係幫到大少手! (咁大少就可以無咁忙, 抽多D時間休息下倍我!!!)

第一次自己整豉油雞, 雞肉稍為過熟, 唔夠嫩口呢!  今次斬雞由大少操刀, 我見佢好俾心機排好佢, 等我可以影相, 雖然...... 但都值得鼓勵!! 哈~

蒜蓉粉絲蒸開邊蝦,, 超讚的哦~

秘訣: 
1) 蒜蓉醬自制, 大量切蓉蒜頭, 加入鹽, 油;  臨蒸前先好放上蝦, 否則蒜蓉會帶苦味! (朋友教的)
2) 大蝦開邊挑腸後, 用鹽&麻油略醃30mins
3) 雞粉少許加少許水開稀倒上粉絲上, 有助蒸完吸埋蝦汁令粉絲更出味!!! (粉絲簡直係靈魂~)
4) 只需蒸七至八分鐘即可, 切忌overcook, 鮮蝦先可以保持彈牙狀態! 正~