心太軟

Oh my GOD!

一直覺得好難做既心太軟終於俾我征服左, 原來唔係想像中咁難

一向對朱古力唔係特別鐘意既我, 對心太軟呢款甜品真係又愛又恨!!!  愛佢既外實內軟, 愛佢既糊漿狀態,  吞入口時就會有黏喉嚨既感覺, 超讚!!!  但相對, 我亦好怕佢太甜太漏既感覺, 食完會想食十杯水去啖!

今次特登用比利時70% Dark Chocolate黎做呢個心太軟, 真係"一極捧"啊~

縱使大少對佢無興趣(因為佢唔愛朱古力), 但我仍然自得其樂.. 呵呵呵!

眼見已焗好既心太軟, 心想 : 唔知入面係咪真係軟呢? 味道如何呢?? 心情十分複雜, 好怕得個賣相無內涵,, 真係好"剪張"

下次用陶瓷杯焗就會靚d, 無側邊d 坑紋

嘩嘩嘩嘩嘩..... 拔落去個下feel到入面好軟, d朱古力漿湧緊出黎啊!!!!!  成...功....了~~

食落真係一d都唔會太甜, 只有好香濃既朱古力味... 微暖既口感, feel so good!

由於實在太開心 所以今日唱K fun

我總是心太軟, 心太軟, 把Dark巧克力都自己扛!!
想食總是簡單 減肥太難  已經太飽就別再勉強~

*食譜跟U Magazine 名廚‧甜品*