尋日夜晚同屋企人去太古城新開既美心皇宮食飯, 一向我都鐘意美心既酒樓, 覺得佢食物質素有保證, 果然無令我失望呢!
依家d酒樓, 餐廳, 甚至快餐店都裝修得越黎越靚, 以前我唔鐘意去食快餐, 但依家偶然去大家樂食都覺得ok, 起碼坐起上黎都舒服d!
佢個場幾靚幾Grand, 但真係好多柱啊!!! (真係唔多好啊,, 阿X)
原本唔想煩叫六人套餐, 但貪心既我又想食呢樣, 又想食個樣, 最後都係依照自己心水想食乜就叫乜
鮑汁炆海蔘鵝掌, 我同大少都好鐘意食鵝掌, 可惜我係杜拜整唔到, 因為買唔到鵝掌
但一煲鵝掌得三隻, 唔夠喉呢!!!
至愛片皮鴨, 上次同家人去北京樓食飯都有叫片皮鴨, 唔知係上次個隻唔好味定點, 大家食過美心既片皮鴨都一致覺得比起北京樓好味, 最緊要係一d都唔覺漏!
第一次用Pancake皮(超薄)黎包片皮鴨食, 原來都唔錯, 比起傳統既食法, Pancake皮較薄, 多食幾片都唔會有好飽既感覺... 值得一試!
剩餘既鴨肉就選擇左做生菜包, 生菜細細塊, 新鮮又多汁, 包住鴨肉食真係好夾.. 唯一唔好既係生菜得八至十塊(仲係係好細塊), 跟本就唔夠包肉食 (生菜要另外落order), 最後以"薑越老越辣既老豆"同經理講左兩句, 就免費送多碟俾我地, 勁! (俾我就唔敢同佢理論, 不過個經理都好識做, 一講佢就話, OK.. 無問題, 我上一碟俾你地!)
但事實上, 大家都覺得一碟餸稱得上"生菜包"既餸, 靈魂當然係d生菜到啦! 但佢地所提供既生菜根本唔夠包住D肉食, 咁何謂"生菜包"?!
係杜拜永遠都食唔到既靚牛肉, 安格斯牛柳粒,, 真係超級超級好味!!!!
蒜蓉開邊蒸蝦, 好味!
金銀蛋莧菜
呢餐飯大家都食得好滿足, 無論服務同質素都好好,, 我俾90分啊!!
****************************************************************************
聽日同大少會去台灣玩幾日, 初初以為自己最近有運行, 因為
~係好短時間竟然可以online用mileage換到台北機票(早機去晚機返)
~唔知點解台灣酒店好full, 但最後仍然book 到一間近西門町既飯店(價錢仲好OK)
~避左香港既台風, 可以安全到港
~係飛機到訓得著
點知, 今日聽Daddy講台灣聽晚可能會打風, 但佢話我早機去應該無問題!!
但係, 下午又聽朋友講香港又有個風醞釀緊, 可能黎緊都會打風!!
OMG, 點解次次去台灣都打風?? 點解次次大少返HK都打風 (上次八月底九號波, 前日又八號, 黎緊會幾號啊??)
求主保守個天生生性性, 去到台灣唔好打風啦, 更加唔好濟留係台灣返唔到香港啊!! 我有好多地方想去呢~
F
回覆刪除