大家都知呢邊依家齋戎緊, 大少理應可以早放工, 但由day 1 Ramadan(齋戎月) 到依家, 佢只係試過一日早放咁大把, 其餘日子都係忙到七彩, 唔好話早放, 連夜晚都要做到七八點先返黎食飯!
因為忙, 所以大少最近每日會早返工做野, 最直接影響既當然係我, 連帶我都要早起, 每次起身都好掙扎, 好想扮唔知繼續訓 (因為如果我唔起身, 大少一定唔會嘈醒我), 但一諗起依家Ramadan, 街上大部份食肆都無開, 我怕大少忙起上黎連lunch都唔去買! 唔忍心見佢餓住個肚, 所以幾眼訓都要撐起身煮個早餐佢食~ (我都覺得自己好堅, 返工個時都無咁盡責, 寧願遲到都訓多幾個字!) 
七點起身後, 我多數會忍住唔訓返, 怕一訓又訓到兩三點先識起身!! 早起身, 時間特別見洗, 上完一輪網, 睇晒報紙, 巡晒blog, check埋mail 都係十點幾, 早睡早起果然係一個好習慣~ 
最近晏晝都係一個人食, 求求其其又一餐, 前日醒起係吉之島買左兩包墨汁ﾊﾟｽﾀ(pasta), 趁記得要快快食左去, 費事又過期!
做法好容易, 自己加少少配料炒香, 加d水煮熟麵條就ok,, 十分適合我呢個懶人!!!
當然, 我唔會刻薄自己, 除左露筍同粟米仔外, 仲加左我係香港"空運"過黎既急凍帶子!!
用牛油燒熱獲, 加入蒜粒, 將帶子煎至金黃色, 加少少鹽, 黑椒, 就咁炒都已經令到個廚房香到暈!!! 煎完帶子撈起備用, 用餘下既汁炒熟埋d配料, 加埋佢既麵, 加半杯水煮滾, 最後落墨汁味粉, 拌勻即可~
食後感 :
呢款Pasta食落唔似一般既義粉, 似拉麵既麵質多d, 但好好味!!!! 我唔知係佢本身個味都唔錯, 抑或因為我用牛油炒香左個汁先? 總之食落去出奇地好味,, 最出奇係....... 竟然食唔出墨汁味
, 但我又講唔出係咩味,, 不過總括黎講係ok既, 值85分, 可以翻啅!
偶然偷懶食下呢類 Instant food, 也不賴~
沒有留言:
張貼留言