新攪作

是日晚餐好好味, 一定要介紹俾大家!  (雖然係自己亂炒一通, 就當記低俾自己睇, 將來都可以做個參考?!)

超級無敵XO醬炸菜炒西芹鮮魷牛肉粒 (橫掂唔知點叫, 索性有咁大作咁大!!) , 辣辣地, 又多料, 大少食到lam lam 脷!!

我同大少本身好鐘意食西芹, 味道香, 又有益, 就算四十幾蚊一棵都要買, 不可缺少既食材!!!

我平時煮飯鐘意一味濃味, 一味清淡, 另一款就係蒸蛋, 真係乜都無就咁雞湯蒸水蛋, 超滑漏...  撈飯一流!!! (因為屋企太多肉鬆, 要清貨,, 費事食唔晒又嘥野!!)

十八穀糙米飯, 好有益!!!  大少今日下午無返黎食lunch, 可能太餓關係, 夜晚食左三碗飯~

XO醬炸菜炒西芹鮮魷牛肉粒做法 :

其實做法好簡單, 牛肉粒(生粉, 油, 鼓油, 糖) &鮮魷(鹽, 酒, 黑椒) 各用醃料醃一小時, 備用

- 先爆薑起獲炒熟牛肉&鮮魷撈起備用, 再將西芹炸菜炒至熟, 最後將牛肉粒&鮮魷回獲一齊炒
- 最後調味, 加入XO醬, 少鹽, 少糖, 自己試味即可!!!!!

*************************************************************************

隨住齋戎月既開始, 我要做多d蛋糕俾大少&各同事食, 因為齋戎月期間下午幾乎所有食肆都關閉, 佢地係無地方可以食LUNCH架! (好彩我唔洗返工, 否則我會癲左~)

趁今日公司個清潔阿姐會過o黎我到執屋, 所以特登整左個花生雪芳俾佢攞返公司請各同事食

久違了既雪芳蛋糕... 你d毛孔好粗大啊!!

第一次做花生味, 味道唔錯, 幾香口!!!

如果我有大少奶做戚風會打風既能力就好, 我都好想呢邊有九號波, 大少唔洗返工可以倍住我! 哈~ (如果呢邊都打風, 真係世界變!)