之前一直聽人講KA幾咁好, 係好多愛做包包者既Dream Mixer.
以前我以為KA係麵包機, 係中東呢邊左搵右搵都搵唔到. 後來細問之下先知原來KA係一隻好出名既Stand Mixer. 有左佢, 就可以慳返唔少力氣去搓包, 所以先咁得愛包者歡心~
知道咩一回事之後, 記得之前係呢邊既大型supermarket都見過類似物體, 但就係無KA呢個牌子(激氣~)! 個個都話KA好, 要我買其他牌子確係有D驚,, 之但係如果要等到將來返HK長註先可以買, 咁咪有排等?!
係無得揀既情況底下, 膽粗粗試下Kenwood Prospero, 價錢大約二千三港紙, 但佢既Walt數比KA大(有700W), 而且仲有包好多其他附件, 應該都用得著.... 最後, 係大少既鼓勵下就帶左佢返屋企!!!! 
我就做大家既白老鼠, 將呢部Stand Mixer既好與壞同大家分享, 他日你地都心郁郁想試下Kenwood, 都有個參考麻~
Kenwood一系列既Stand Mixer有分好多種類, 有d 比較簡單, 只有攪拌麵粉/蛋 etc.
港紙千幾蚊就OK, 原本想簡簡單單買個部就算, 可惜佢容量只有4L, 而且400W, 我怕將來又後悔點解唔買好D, 所以無揀佢! 另外有一款大約港紙六千蚊(Kenwood Chef Titanium), 連個機身都係Titanium, 好靚好型, functions全部都係至Top (6.8L + 1200W). 當然, 價錢太貴一D都唔吸引~
呢部機身係膠, 個Mixing bowl就係不锈鋼, 見到咁大個打蛋器好興奮呢!
佢至得人鐘意既就係有唔同functions, 以上係榨汁機! 我屋企只有一個迷你blender, 平時飲西瓜汁要逐D逐D放入去blend, 依家有左呢個榨汁機就方便好多!!!
尋日我已經試過用佢黎做左杯健康飲品 : 香蕉士多啤梨麥片奶 (飲完今朝超暢順!!嘻!!)
另一個功能係碎食物機, 乜都碎得,, 佢有隻VCD示範, 睇到我幾想快d試用!
附送三隻"血滴子"... 洋蔥粒, 蘿蔔絲, 芝士粒, 蒜粒, 青瓜絲, 乜都可以得!
最後仲有榨橙汁機, 雖然呢樣野我地原本都有, 但係無所謂啦... 呢個Mixer我會放係廚房枱面唔會收埋, 要用時都幾方便既!
我同大少兩個呢兩日係咁玩呢部機,, 連佢都話有左呢部機, 屋企可以買少好多野, 係送俾人地新居入伙既好禮物!!
初初見到咁大部野, 心諗都可能要花D時間睇下manual 點用, 費事攪壞佢! 點知依家d 商品真係好細心, 有晒vdc, 有晒demo. , 我就咁睇佢隻VCD已經知道晒邊到打邊打.. 啱晒我呢D懶人啊!!!!!!
VCD除左示範點用, 仲有唔同種類既食譜提供... 真係好細心!!
呢兩日我不停做蛋糕麵包... 效果都OK啦! 依家打蛋/搓麵粉都慳左好多時間.. 我癲到直程一日整兩款蛋糕/麵包, 好攰呢~ (企到好攰)
暫時新屎坑仲未發現有咩唔好,,, 再用多幾次睇下點, 如果有咩唔好, 我再向各位匯報!!
報告完畢~
沒有留言:
張貼留言