迷你戚風

尋日一口氣焗左三盤雪芳蛋糕, 兩次為咖啡味, 一次為朱古力味, 今次呢個雪芳同平時有好大分別, 分別在於今次呢D係"迷你版", 十分"的色", 未食就咁望都已經覺得好卡娃兒呢!!!

呢個係蛋糕模係家姐大少奶之前送俾我為入伙禮物, 但屋企未買新焗爐, 一直遲遲未用, 今次過o黎杜拜當然唔可以漏左佢, 我估唔到焗出o黎既效果係如此滿意, 最開心係甩模一d難度都無, 輕輕一推就甩左, 相信用黎整其他款式既甜品效果都會唔錯!!! (多謝家姐~)

唔知點解焗完出黎個面'立立令' , 有d似月餅回油咁,, 好靚呢!

一口氣做左兩盤送俾同事作為下午茶, 呢款係咖啡味, 今次我特別用咖啡機沖出既Expresso o黎做, 超香咖啡味呢!

另一款係朱古力味, 但懶醒既我加左大量朱古力粒, 令到個樣無咖啡味咁靚仔!

細細隻一個, 除左食起上黎方便左外, 份量應該仲係啱啱好呢!  我真係好鐘意呢個模啊~~~

家姐, 我終於交到功課俾你啦, 滿意嗎?