新嚐試

過去四個月係香港雖然無乜落廚, 但我對烹飪既熱誠無減退架! 因為我係香港都有留意好多唔同書藉, 做麵包, 炒小菜, 甚至煲靚湯既書我都有買幾本返黎"研究研究"(請用國語讀~)

雖然話家常便飯, 來來去去都係個d, 但人總會有要求, 總希望有驚喜, 有時參考下人地既新菜式都係需要既,, 識煮唔代表煮得好, 煮得好又唔代表識煮好多款 (我話緊我自己~) 所以食譜書藉對我黎講真係好有用!!  黎緊最想買既當然係"大少奶"既書,, 希望快d出啦, 好期待呢!!

今次呢兩款菜式都係跟書做, 辣辣地, 好野味,, 朋友們都話"一流一流"!!

椒鹽黃金豆腐

用椒鹽醃實豆腐炸至金黃無乜特別,, 最特別係自制既炸辣椒蒜頭,, 一舊豆腐配一小撮炸辣椒蒜頭, 好過癮呢!!!!  原來避風塘炒蟹既炸蒜頭就係咁樣做,, 以後用黎伴蝦, 伴雞翼都可以!!

辣椒蒜頭制法 :
大量蒜頭粒&辣椒(視乎個人), 燒滾油(2湯匙), 加入蒜粒辣椒粒, 轉金黃色時即轉細火, 加入雞粉少許, 鹽半茶匙, 糖少許, 拌勻即可! 

另一款新菜式叫蜜椒雞翼, 故名思意靈魂係在於蜜糖&辣椒到!

平時煮開滷水雞, 豉油雞, 南乳雞,  今次呢款蜜椒雞翼有驚喜, 甜中帶辣, 辣中又帶點甜喎,,  大少都話好好味呢!!!

做法:
雞翼一般醃法, 煎至熟透! 調味料(生抽1湯匙, 水1.5杯) 慢火煮滾後加入1.5湯匙蜜糖, 紅辣椒, 最後將雞翼回獲拌勻即可! 

o黎緊我會繼續煮新菜式, 務求令大少

食得招積, 住得舒適,
做得出色, 家用增值,
旅行好Happy, 超級招積舒適出色增值~