休息中

現在既我處於休息期~

自中秋晚餐後我隻手既傷患越黎越嚴重, 初初以為佢無起水泡應該問題不大, 但原來佢開始結焦, 好痕, 好乾!!! 加上我成日都要切野洗野, 經常濕水, 攪到塊焦成日都"梅"左, 遲遲都未能結焦成功,,, 唉!

呢兩日我已經唔敢再整蛋糕麵包住, 一來唔想濕水, 二來每次隻手一用力, 扯到D皮, 塊焦好易爛, 又會滲水, 好痛呢!!

唔知佢幾時先好返? 幾時先會無印呢?

呢個香蕉磅蛋糕係上星期五半夜整, 見到隻蕉皮黑無可黑, 驚放多一晚就真係爛到出水, 趁佢d肉仲好靚仔, 即刻動工!!!!

無見一排, 你仍然好得我歡心呢~

Recipe (copy from Angel)

材料：（8x21cm蛋糕模1個分量）

熟透香蕉1隻、檸檬汁、冧酒各2茶匙、牛油100克、鹽少許、庶糖60克、蛋黃2個、蛋白霜料：蛋白2個、砂糖30克、合桃50克、低筋麵粉150克、發粉、蘇打粉各1/2茶匙

預備：在模中鋪上牛油紙。牛油放在室溫中軟化。粉類過篩。合桃烤過後切成粗粒。預熱焗爐170度。

做法：

1.用叉將香蕉壓碎，淋上檸檬汁和冧酒。

2.將牛油放入碗內，用木杓攪軟，加入蔗糖後用打蛋器打至起白色。將蛋黃逐個加入並攪勻，將1的香蕉加入去。

3.把蛋白放入另一個碗，加少許鹽打至起白泡，分兩次把糖加入。打成挺身的蛋白霜。

4.把過好篩的粉類的一半份量加入2中並攪勻，將3的蛋白霜的一半加入並攪勻。加入餘下的各種粉類，餘下的蛋白霜就分兩次加入，保持著起泡的狀態迅速利落地把整體攪勻，最後加入合桃。

5.將糕糊倒入模中，用刮刀在中間劃一道痕跡，然後沿痕倒下少許植物油。形成油坑。用170度焗約45分鐘。焗完後脫模待涼