世界真細小小小....

話說, 前幾個月前Karen 第一次係我個BLOG到留言, 已經話覺得我好面善, 問我係咪係邊到做? 當時我答佢, 我只係一個'離'係公司做事既秘書小姐,  你應該認錯人!

事後, 我地都一直有係blog到keep contact....直至前幾日

Karen 係佢個Blog 到提及到佢最近少左同佢個公仔頭Mary練習set 頭, 之後我又留言話我自己都有學過化粧set頭...

後來Karen 問我係邊間到學, 我就答佢係聚妍坊!  幾經波折.... 今日終於俾Karen好勁咁搵到一張相證實我地真係曾經見過面, 而且仲一齊影過相添!

當時我地係唔相識, 只係一班人跟住學校出去大學到幫大學D function化妝set頭,, 而我係編排左同Karen 同一組負責set 頭....

以下係我copy Karen 既網誌俾大家睇當時既照片!

原來呢個細界真係好細!!!!!!!! 竟然兩個陌路人曾經一齊影過相, 係完全無想像過既情況之下又相認到... 真係好有緣呀!!!! (平時做人真係唔好咁易得罪人,, 因為唔知某年某月某日你地會成為朋友架!!!)

Karen , 我同你咁有緣, 真係要出黎慶祝下...wahaaaaaaaaaaa

***********************************************************************************************************

好彩我ｐｏｓｔ左張ｓｅｔ頭相，跟住同ｄｉａｎａ佢講開佢又學過ｓｅｔ頭

跟住又講開邊度學，跟住又講開幾時學，跟住又講開邊度做過野．．終於．．．

証明左我同幸福小女人ｄｉａｎａ真係曾經相識，我地在同一間化妝學校學化妝

曾經一齊去做野，仲同組添，係ｓｅｔ頭組，哈哈哈哈．．．我宜家真係好興奮呀！！