上年十月同大少去左東京玩左五日四夜... 最近得閒睇返之前D相.. 回味之餘,, 仲可以打發下我D時間俾我攞黎當寫BLOG題材....
其實個次去東京玩都係大少突然話有時間去旅行啦, 我地BOOK機票啦... 就係咁, 星期一訂package..星期五出發! 每次同大少去旅行都好似著草咁, 因為佢實在太多野做.. 每次都好難講埋幾時先得閒放假... 所以次次都要捱貴package..
係短短幾日, 我又要BOOK機票, 又要plan 去邊, 又要去買定去三鷹博物館既飛... 好彩.... 個trip 都好開心!
其實我知好多人都去過東京...仲要係去左好多次添! 所以一般既都唔特別講...
因為我地兩個都唔係好'好'shopping ....所以今個Trip 主要都真係吃喝玩樂!
第二日既行程, 我地一早坐車去富士急玩!
入到場內好興奮, 因為比我預期之中少好多人!!! 可惜天色唔係太好, 又涼又落毛毛雨....
一入到場內,, 已經見到呢個超長, 超多彎既過車山! 雖然我係第二次去富士急, 但我之前都未玩過, 所以就同大少排隊挑戰呢個過山車!
提外話 : 以前既我, 自問都係一個膽生毛既人, 每次見到有D刺激好玩既機動遊戲我都唔會放過... 就算個心有少少驚, 我都一定會破著頭皮走去玩... 但呢次去日本.. 我唔知點解個人突然間細膽好多... 就連呢個咁普通既過山車都令我驚到真係想走! 唔通年紀大左, 個膽真係無咁大?
雖然係平日, 但都一樣要排隊,, 係排隊其間, 緊係周圍買野食打發時間啦! 呢個係o係自動販賣機到'襟'出黎既士多啤梨雪糕夾心餅... 超好味!
玩完呢個又長又彎既過山車... 我真係要認老啦... 嚇到我鼻哥LUNG到無肉!!!!
之後見到有個新既機動遊戲,, 係好似上年七月定九月先有架,, 呢個機動遊戲睇到我地目瞪口呆! 因為實在, 實在太激癲啦!! 佢除左坐係到係無腳踏位俾你放腳外(感覺好似凌空咁)..仲要係反方向行駛...意思即係唔係正面去玩呢個過車山,, 佢係背住運行,,, (唔知大家明唔明我意思?) 除左好似一般過山車咁轉黎轉去... 佢個位本身獨立會再自轉, 務求轉到你暈, 嚇到你傻!
大少見望已經係咁話想玩, 我見到腳到軟啦 ~~~
再黎多個到掉向下衝...... 我掙扎左好耐,, 玩唔玩好呢? 一場黎到, 有新野玩, 唔好又好''sit' 抵, 玩我又真係怕我會嚇到暈左... 大少又好想玩, 我今次唔玩, 我知自己以後唔會再有膽色去玩! 最後, 我都決定倍大少玩, 因為唔想攪到佢都無得玩.... 但好好彩... 排隊要排最少兩個半鐘... 我地買左回程車飛五點半, 所以唔夠時間玩...(心裡暗喜.... 係咁thanks GOD) .. 最後都無玩, 倍左大少去玩跳樓機&洗衣機... 已經嚇到我想咸!
排隊其間又食食食.. 超大條香甜燒粟米! 好好味!
玩左大半日機動遊戲... 走時係富士急個精品店開始我shopping既行動! 因為呢到D野超得意,, 勁可愛!! 有D仲係富士急特別版,, 我點可以錯過呢..... 買左好多好多手信呀!!!
日本D野真係好靚, 好得意.... 我係大少去廁所其間係咁掃貨!
我個BEST FRIEND 叫Cherry, 佢專儲Cherry物件, 所以我都買左好多Cherry野送俾佢!
呢隻搖頭邪流丸係我呢個trip 其中一樣最愛既戰利品!!!!好卡娃兒呢!!
富士急仲有好多小食賣.. 我地買左一包黑椒薯片.. 真係超好味超好味... 係等車時, 我地仲想返轉頭買多幾包, 但路途都有一段仔距離.. 又怕架車特然早到.. 最後都無買... 但呢包薯片真係超好味呢!!!
今次只係spend左半日係富士急... 其實富士急仲有好多其他好玩既機動遊戲,, 好似有一個另一款既過山車,, 係出發時用超快既速度射你出去,,, 再轉十幾個圈咁.... 呢個講求既速度感, 好刺激架! 仲有一間鬼屋都好嚇人... 營造一個精神病院既兩層高醫院, 你一入去, 職員會刻意安排分開一大班人入去玩, 務求令你地只有兩個人嚇餐飽! 入面黑得不得了,, 你伸手不見五指, 手上只有一枝微弱電筒仔,, 你要自己摸黑探路... 時不時又有D鬼走出黎嚇你... 我諗依家既我, 都不適宜再去接受挑戰,, 如果有膽量玩既朋友, 真係值得一去!!! 好正架!
沒有留言:
張貼留言