我的手作!

尋日提及過我鐘意儲re-ment玩具外... 其實我仲有一個嗜好... 就係學整麪粉花!

呢種玩意其實同紙黏土有少少相似.... 又係一舊類似泥膠既物質, 加上顏色, 搓出你鐘意既形狀, 等乾後,, 就完成... 其後可以再油上顏色... 加添色彩!

我大約三年前開始學, 但我無特別專注研究 (因為我既嗜好實在太多,,, 好難專注係一樣到..haaaaaaa) , 我平時只係見到有得意想學既造型, 我就會報名學!

所以我唔敢話自己做得好叻, 而且係麪粉花手作既知識上亦唔算好豐富... 我仲係小學生階段... (但平時show 俾我D同事&朋友睇, 佢地已經覺得我好勁... haaaaaaaaaa 呃得下人!)

因為我知道有好多人都鐘意自己係屋企創作唔同既新題材出黎....繼而自己調色, 自己諗製作方法!  我自己曾經都有係屋企嘗試做下... 但基於我材料有限,, 後其都好少再自己係屋企做...

其實呢門手藝我自己覺得都好花心機&時間... 不過有時見到真係好得意,, 又想自己試下整, 我都會走去學..

大家睇下我部份既作品先啦!

呢盆係我前年新年前學架,, 係桃花... 我第一次學整花... 我覺得好靚..

呢盆桔都係前年同來花一齊學架....

佢地個Size 大約同枝甲油一樣高到!

另外學左一檔上海餃子檔....分別有鍋貼, 豆沙鍋餅, 高力豆沙, 牛肉包, 小籠包, '痴'飯, 豆漿等!

未放入蒸籠既包...

一件一件咁整出黎, 每一件都係自己親手整,, 連個蒸籠都係自己整架.... 好有成功感架...

呢個係我朋友整完送俾我, 佢都有教我整... 我最鐘意個月餅 & 橙籠... 好似呀!

其實我仲有學左好多其他手作,, 不過未有時間影晒出黎, 有時間再同大家分享啦!

如有大家都想學或者有興趣睇更多既手作, 可以去Amy's Blog 到睇睇,, 佢係我第一位導師黎架,, 教得好好架!