Mos Burger @ Quarry Bay

最近太古吉之島對面新開左一間快餐店.... 就係好出名既Mos Burger!

未開張已經吸引好多人不時卻步圍觀... 更加令附近既麥當勞黎個措手不及, 要係街到派優惠券去拉客....

今日約左朋友一齊食lunch, 時間約下午十二時... 我地就諗住去呢間快餐到試下!

點知.....

見唔見到條龍尾!

 我同朋友講, 我地呢D閒人, 唔應該咁傻同D返工既人一齊逼, 一齊'side'時間等位食飯架!! 有冇攪錯呀!  我地應該享有免等, 免逼 & 有優惠既待遇架麻!!! 所以我地好不屑咁轉移陣地, 去第二度食... 哼!

當我學完蛋糕返屋企... 係地鐵站一出,, 眼尾又望下呢間野仲洗唔洗排隊....

咦! 有三四個人排咋喎, 好啦... 等我又走去買返個包試下, 趁下熱鬧!  雖然得三四個人, 但唔知點解都排左我20分鐘先買到個包囉?  可能因為初開鋪,, 加上太受歡迎, 所以做到一團糟掛....

我個時唔係太肚餓, 就買左一個 Seafood Rice Burger 同朋友share , $22..... 細細個,, 我諗女仔食都OK既!!!! 不過真係勉強OK囉!

饀料係有 : 蝦, 帶子, 唔知係咪紅蘿蔔絲等&醬汁!

呢隻公仔係我朋友係冬季嘉年華到玩返黎... 係全場最核突既一隻公仔.... 好樣衰!

呢個rice burger味道唔錯,,, 一打開已經好香.... 食落材料都算新鮮..飯粒都好彈牙,,.. 略嫌醬汁咸左少少... 不過撈埋D飯一齊食都OK... 同麥記相比... 好味好多,, 話晒都貴咁多!  但唯一弊處係--- 如果男人一定唔夠食!