玩甲篇 - 貼貼紙!

我會花好多心機放係我雙手到,, 因為我鐘意修到D甲好靚, 再擦D靚靚甲油... 感覺成個人高貴左....(自己覺得)

  係杜拜時好掛住水晶甲 & GEL 甲,, 成日諗如果可以, 真係想將家中所有整甲既'架餐' 枱晒過去杜拜玩!  但話晒呢D都係化學物料, 怕入唔到境,, 最後都係玩返甲油算!

點解我咁鐘意整甲? 

原因係我鐘意對手乾乾淨淨, 整整齊齊, 有修長既感覺,, 所以我鐘意留甲! 但我自己既甲本身較軟身, 容易折斷, 所以會令我留得好辛苦既指甲變得一D長, 一D短... 以前出去俾人做, 閒閒地都一千幾百,, 我又唔捨得 (不過依家平左好多!

),, 把幾火自己走去學, 學完我就成日都會為自己整甲! 我諗呢樣都係我既興趣...

返左香港, 成日心思思想整返對靚靚GEL甲... 但基於我日日都fully book咁濟, 而且一諗起整完又要趕住係返杜拜前拆甲, 諗起都煩,, 所以又無做到!

前日心血來潮無野做時,, 搵返之前去日本買左好多指甲nail art accessories返黎... 其中一樣係nail art 貼紙!  我平時好少玩貼紙貼上指甲到, 因為香港買個D好多都唔靚,, 而且仲要痴得唔太實, 容易飛邊, 攪到洗頭好麻煩!!

趁仲未返杜拜, 依家整一轉黎玩下先, 如果唔係.....返到杜拜日日要煮飯濕水,, 到時又唔洗整啦!

買左三款唔同pattern既貼貼.... 幾靚架!

今次, 我揀左呢款....

首先, 揀一隻較為清/淺既甲油做底色, 擦兩層 (擦任何甲油前都要先擦一層護甲油先, 以防指甲變黃!)

擦完待完全乾後開始貼貼紙....

要一雙手十隻手指均勻地貼上唔同花紋, 除左圖案要靚外, 你痴既位置排位都好緊要架! 

一般一隻甲可以有四至五種既設計方法...

1. 將圖案集中甲邊... 好似french Nail咁,, 焦點集中係甲邊! (如上圖無名指)

2. 將圖案由左至右打斜角咁分怖... (如上圖食指)

3. 將圖案集中在中間 (如上圖中指)

4. 好似之前咁, 將圖案調返轉由右至左咁分怖 (如上圖無名指)

5. 將簡單圖案只放於指甲既其中一個角位 (如上圖中指)

當然, 以上方法只係俾大家作為參考, 如果大家覺得其他整法係靚D既, 其實可以隨意發揮! 最緊要, 唔好太過類聚, 無左個pattern...唔好好似好亂, 唔知想點咁就無問題架啦!

最後完成你地既貼貼工程, 記得確保每一張貼紙係痴實左隻甲,, 跟住再塗上top coat 兩層作為保護作用! (因為如果唔做呢一步, 幾好既貼紙都係好易甩!)

如果你係一個經常要雙手濕水, 見到每隔三日要補擦top coat, 因為甲油會容易退掉, 如果唔補擦,, 又係個句... 張貼紙無左cover 保護, 會last 唔耐囉!

希望呢篇可以幫到鐘意玩甲既你啦!