摺枱 - 黃宗澤

尋日約左兩個舊同事去LCX食飯, 遠住係GATEWAY見到好多人圍住晒, 望下咩事啦...原來賭場風雲入面既摺枱 - 黃宗澤 & 陳豪係到唔知做乜.. 引來一班無知少婦圍住影相!

我當日著得破為高貴大方, 所以無諗住走過去同人逼去影相,,  但經過佢地時, 我再回一頭再一望... 見散左好多人喎... 我又同一般無知少婦一樣走埋去同佢影相..haaaaaaaaaaaaaaaaaaaaa (其實最無知o個個係我, 又要係到扮高鬥!)

可惜我一個人, 唯有請路人甲幫我揸機.. 但我搵錯人... o個個妙齡少女見到黃宗澤已經失晒暈咁...係咁好興奮咁同隔離個朋友低聲尖叫... 到幫我影相時仲興奮到手到震埋...  係好明顯我望住佢禁落去個下係連同相機一齊向下move左一move... 我諗有栢金遜既人都會定過佢... 影完第一張, 佢自己都話, 嘩,, 唔得呀, 太濛啦!!! 第二張再影... (妖! 咪一樣咁濛!)  我諗我自拍都會好過佢.... 但自拍呢D咁close既行為, 我只會同大少做!  我唯有好沒趣咁走...

呢張係我影...  都算影得唔太好... 但起碼都睇得清楚!

呢張係個妙齡少女幫我地影... 離晒譜!  其實我唔係好鐘意黃宗澤, 不過見唔洗逼, 咪走去影下囉!! 點知影得咁衰... 失敗!

尋日去左LCX裡面有間叫做California Pizza.. (個名好似係咁...), 朋友聽人介紹話唔錯, 所以去試下... 果然.. 真係幾好味! 最正係佢個view 望返對面維港景, 八點時仲有激光滙演睇.. 不過我地唔係坐窗邊位, 所以我無影到相....

呢個Pizza 個底稍為硬左少少... 好難切開黎食!

磨菇雲吞, 最好味!

泰式蝦義粉,, 都好好味!

牛油果蛋皮卷,, 又係好好味!

我依家好多時每日都訓到一兩點先起身,, 跟住飲杯水 OR 脫脂奶, 然後到夜晚晚飯時先食第一餐,, 亦都係一日裡面既唯一一餐! 慳返唔少錢!