香港花卉展覽

尋日去左維園一年一度舉行既花卉展覽....今年既主題花係洋葵!  其實入到去都無分咩主題唔主題,,因為實在有太多唔同種類既花....

我自己最鐘意前幾年個主題---- 綉球花.... 今年我自己覺得麻麻地... 唔算太靚, 但見到繽紛色彩既鮮花... 心情都放鬆晒!

入到去,, 盡情係咁影影影.... 我唔識用D單鏡反光機, 亦都唔懂點樣影個構圖先為之好.... 但現代科技發達, 一部傻瓜數碼相機就啱晒我用! 

你地見到D花, 心情會心花怒放嗎?

十二生肖... 用花做成!

以下呢幾張係我特別鐘意....

用花造成既彩虹....

如果將來擁有一個種滿鮮艷花草既花園就好啦... 好想嘆杯茶呢!

呢個係海洋公園整既花園, 適逢今年係海洋公園三十週年,,, 有一籠大大大壽包,,, 好得意呀!!

呢張係我朋友用佢部單鏡反光機幫我影既專業相 (但我好唔專業囉, 因為我前一晚喊到對眼腫晒, 樣衰到痺!!!) 我鐘意個構圖,, 後面D屈金香既顏色好靚架!