元朗田中日本料理

前日星期六, Best Friend Cherry揸車揸我地入元朗食壽司! 一車五人啱啱好....

點解要入到元朗咁遠食? 其實都係因為出名囉... 其實個到有幾間都係出名大件夾抵食, 但我地揀左呢間田中日本料理,, 原因係呢間大件得黎唔會連舊飯都大件... 我地之前試過去一間到食(又係元朗) , 個到D壽司大件到好似一個拳頭咁大, 但係連埋舊飯都咁大,, 要食落肚真係無可能件件都食晒成舊飯, 最後咪又係'晒'野!!

田中係5點半開始入客, 每枱客只可食45分鐘, 一定要人齊先可以入去..... 我地約5點半入到元朗, 去到田中雖然唔洗等位, 但實在時間尚早,, 所以我地行一陣先再去食...

五點幾時鋪頭門外只有三四個人...

約九個字後, 六點半再去, 已經人頭湧湧.... 最後我地都係要等多半個鐘先有位!  個到有個慣例係未有位先俾menu你剔你要食乜...基本上一入去坐低約五分鐘就有得食...

一入去, 我去完個洗手間出黎, D野食已經上枱,,, 佢地已經開始食緊啦!!!  但我為左要影相介紹俾大家睇, 即刻阻止佢地繼續食, 攞部相機出黎影相! (我為左大家, 不時俾佢地話我.. 得未呀? 影完未呀??

係鏡頭以外, 已有幾對筷子叉緊埋黎等我影完就要夾餸!)

好, 快D睇下有咩食啦!

雜錦天婦羅..... 我覺得麻麻,因為始終可能係平野, 好油,, 炸得好求其!

燒雞軟骨,, 味道OK, 但我比較喜歡一碟上, 晒少許淮鹽係面既食法!

燒帶子... 好好味! 底下有芝士

普通壽司...

炸蠔..好味!!! 但唔可以食太多,, 好漏!

炸軟殼蟹卷.......... 好好味!

日式炒雜菜... 好大碟, 好抵食! 又好味!!!

雜錦刺身.... 刺身蝦最正, 帶子&海膽都好好味!! 好抵,, 百幾蚊咋!

蟹子沙律.... 一般,,但好大碗!

加州卷... 不過不失,, 但賣相欠奉!

我至愛三文魚子壽司, 但呢到三文魚子唔夠新鮮... 麻麻地!

三文魚壽司&鰻魚壽司係到係最出名, 因為飯細, 刺身大件.... See!

不消九個字,, 食得七七八八..... 勁!

食左咁多野....埋單每人約$100到,, 好抵食!!!!

Cherry & ME!

唔好以為咁就完呀!! 仲有下文架.... 不過依家要訓啦, 聽日約左人去唱K LUNCH,, 一早十一點要去到!! 聽日再繼續.... 密切留意!