荔枝凍芝士餅

一直以來, 我自己都有去學整蛋糕, 麪包.... 但可能我無乜天份加上又蠢, 除左俾錢學過個D, 都好少自己跟食譜做其他蛋糕... 就算有做, 出黎既效果都係麻麻地!

之前經一直都有睇 Vanlily 既Blog...佢整D蛋糕好靚.. 而且好有心機去整, 差唔多日日都有新款式咁.... 當然我無可能好似佢咁叻啦... 但我都問過佢係邊到學開蛋糕, 點解可以做得咁好!

後來Vanlily介紹左兩間俾我, 我尋日就去左其中一間叫做C'est Bon Cake 私房蛋糕 到學整 "荔枝凍芝士餅"

成日聽日講荔枝配芝士餅效果好唔錯, 因為荔枝既清甜又唔會搶左芝士餅既味... 所以我都走去學整返個先!

製作過程唔難, 但對我黎講唔易掌握, 因為我對魚膠片, 忌廉撈勻技術仲未掌握得好好.... 初初D魚膠片溶唔晒, 沈晒底... 輝SIR仲話驚我個蛋糕成唔到型... 好彩, 最後都成功!

面頭個皇冠係用白朱古力自己唧出黎.... 但我唧得好樣衰...heeeeeeeeee

同一般教整蛋糕學校一樣, 最後會切開阿SIR整o個個俾大家share試味!  味道真係好唔錯, 因為荔枝味真係好清甜, 但又唔會太甜.... 芝士味唔會太重.... 食完都唔會有漏既感覺!  我諗呢個CAKE啱一般人食!

夜晚同朋友打完牌, 一齊試食我整既蛋糕,,, 初初都怕佢地會覺得感覺一般, 因為我D朋友個個都好咀diu..平時食野都好鐘意嘆三嘆四(尤其肥細佬!) ,, 不過出奇地個個食完都話好好味,,, 仲要添食呀

!!! 我仲諗個蛋糕實剩返半個留返第二日食, 點知最後我得返一件仔攞返屋企咋!!  我好開心個個都讚個餅好味.... 唯一失望既係大少試唔到呢個凍餅..... 希望下次整俾大少食既時候, 我仲可以KEEP返住呢個水準啦!

最後, 唔該晒Vanlily

既介紹.... 輝Sir雖然好似好嚴粛...但佢知我未跟佢學過都有特別照顧我... 好彩無俾佢鬧我蠢!  我後尾再報多個

迷你中美洲香蕉慕士伴脆曲奇下個星期五學呀!!!