頽廢的我!

由大少走左之後, 我既生活每日都Fully book!  看似繁忙, 但其實無聊得很! 來來去去不外乎同朋友, 舊同事, 舊同學食飯 / 打牌!

大少忙得發瘋, 每日同佢通電不多過三十分鐘, 更加無用MSN眼仔見過面!!! 

大少忙,,, 我只可以體諒!

最近唔開心既事都無機會同佢講,, 我諗佢亦無時間上黎睇我既近況!

十萬個唔願意每日閒談幾句然後怱怱收線, 但可以點?

扭計? 發脾氣? 死纏爛打? 呢D都係我想做但唔敢做!  因為我知呢個時候我要體諒佢, 唔係俾麻煩佢!

唯一可以做既係....

自己搵野做, 將自己既時間填滿,, 唔好有咁多時間去諗住佢.......

仲未搵到想學既野,,,

黎緊兩日,, 係咁搵身邊既朋友打牌, 打牌, 再打牌!

好頹廢既生活! 我唔想自己變成咁! 亦都唔想俾人知自己生活如此無聊....

我係時候諗下, 我既人生除左大少外, 我應該仲要做D乜?