千秋樂 @ Causeway Bay

前日, 約左幾個以前讀秘書班既女同學一齊聚舊....

想起以前剛讀完中五, 未有資格升上中六, 又無心repeat中五, 亂打亂撞走去讀左個秘書課程! 當時既我只有十六七歲....

最有趣既係, 當年讀完秘書課程後, 只有我一個走去做秘書... 其餘的都做左不同行業....

今天, 我已是廿六歲人....不知不覺同佢地已經相織十載.... 好難得, 我地幾個關係仍然keep得好好....

黎緊有兩個同學快要當新娘子... 真係好替佢地高興,,, 雖然我將會身處杜拜... 但我都一一答應佢地我必定會出席其婚禮.... 結婚係一件開心既事, 尤其係好close既朋友結婚, 無理由唔出席替佢見証歷史性既一刻!  最希望當然係見到佢地幸福快樂!

我特地去rice open到Search左一間叫做 "千秋樂" 既日本餐廳為我地gathering既落腳地!

環境, 地點, 食物, 服務都好GOOD!  我地個日食得好開心.... (四個人都係食左四百蚊)

三個女人已經一個墟... 何況我地係四個女人.... 有兩個女同學豪邁既笑聲..我知道有時會惹起別人既不安 (haaaaaaaaaa, 因為已經見到有人望過黎我地張枱幾次) 但開心聚舊,, 都唔控制得咁多.... 或者有一日我有自己既屋企時, 我會提議佢地到我屋企, 等我再整返幾味俾佢地食,, 咁樣咪可以盡情歡暢囉!

地點 : 銅鑼灣黃金廣場六樓

22件既雜錦壽司,, 唔錯!

大少至愛既香炸雞軟骨! 好好味! 推介之一

蒜片炒牛柳粒... 好好味! 推介之一

大蝦天婦羅.... 隻蝦都幾大隻又唔太油... 但記得要趁熱食! 好味!

雜錦串燒! 燒冬菇勁好味,, 其他尚可...

唔夠食咩, 再叫囉....

炸豬扒.... 味道OK...不過不失!

日式炒雜菜,, 同一般炒雜菜無乜分別...OK!

尾段時, 大家都問及我既將來,,, 好朋友, 講野從來唔需要轉彎抺角.. 我知道你地都膽心我既將來..認為我一個女仔跟大少過去杜拜咁遠, 放棄香港既家人, 朋友 & 自己既時間, 對於未同大少結婚既我黎講, 好似有少少無保障咁.. 亦都怕萬一有咩事, 我會受到傷害!  其實我明白你地意思架.. 你地放心啦!  我對大少, 對我地呢段感情好有信心... 我相信亦都希望我地會有個happy ending! (要求主保守)   而且我唔會真係好似D妹妹仔咁有情飲水飽,, 係需要既時候,, 我都會知道應該會點做..... anyway,,我真係知道你地既心意... 你地自己都要好好照顧自己,, 開開心心做人呀!!!