小學二十週年慶典!

尋日係本人小學二十週年紀念日!  記得當年我入讀小一時, 呢間係一間新開既學校,,,, 雖然我地係第五屆既學生! 但我地係第一班由學校開辦以黎係呢間學校讀足六年既學生!

轉眼間,, 已經係二十週年... 聽聞呢間小學係校網到都算係一間口啤唔錯既小學!

名稱 : 滬江小學 (港島東近康怡花園H座對面!)

今次係我離開母校後第二次返去.... 感覺... 老實講覺得個操場好細,, 比起中學細好多... 而且好強烈感覺自己老左!  熟悉既路, 以前每日都經過既走廊.. 唔多唔少都勾起好多回憶......

呢個位以前係禮堂,, 依家都向高擴建為課室!

呢個就係我成日都提住既Best Friend - Cherry, 仲記得當年小一開學日, 我地入到課室自己揀位坐時, 佢就係坐係我隔離... 自此, 我地就成為好朋友, 一直不離不棄,, 同學校一樣, 我地既朋友已經係二十年啦!

其餘三個男仔都係我地小學同學.... 除左小學同學, 呢三位男仕亦都係我中學既同學, 所以感情都好好!

尋日有機會睇返自己第五屆個本校刊, 睇返當年自己既樣貌, 大家都不禁大笑起來,,,

由左起對返上面幅相,, 第一位係Billy, 佢細個同依家相比, 細個得意好多呢... 第二位係Cherry,, 個個Miss , 阿Sir見到佢都話佢變靚左好多...跟住就係我,, 自己見到都覺得好肥好醜樣... 但望真D..我依家既髮型原來同當年一模一樣! 最右手邊係Alan, 佢係三個男同學中同我感情最好, 因為佢份人思想比較成熟, 會替人著想... 細個時, 個個男仔都矮過我同Cherry, 點知大個後, 個個都牛高馬大啦..... 希望我地繼續keep住呢份珍貴既友誼到永遠啦..... 

(希望你地唔好介意我post你地既相出黎啦, 呢個係一個好好既回憶麻...heeeeeeeeeeeee)

去完小學既Open Day,, 難得大家聚首一當, 我地夜晚就去Cherry屋企打便爐.....

因為大家都係港島東人, 所以都好方便,,, Billy仲帶埋佢部wii黎玩, 終於有得玩wii,,, 好好玩呀,,, 不過真係要一班人玩先過癮!

感謝主! 賜我有一班好朋友.... 有你地既愛錫, 我感到自己好幸福!