Give me a break

大家見我成日都好開心... 其實我都有唔開心既一面!

今日唔開心指數超晒標,,,  唔係唔開心咁簡單, 係傷心至真!

我份人好少為其他人唔開心, 只有家事&感情事先令我最上心

感情事好慶幸都無乜大風波,,, 大少錫我錫到不得了....

好多時你地睇我對大少好好,, 其實大少付出比我多一百倍

因為我係一個極度麻煩既女人!

我愛撒嬌, 愛扭計, 需要別人大量關心, 情緒上落勁過股市, 愛發小姐脾氣, 一時一樣, 口不對心.....

大少遇著我, 真係唔知係當黑定行運.... 但佢依然用盡心機去迎合我, 就算平日返工幾累都會黎逗我笑.... 我真係好感激你對我既包容....

家事係我一生人裡佔得最多令我唔開心既事.... 亦都係我最控制唔到既事....

今日, 又有事發生,, 但我答應過媽咪唔會話俾daddy知,, 我唯有藏係心中既深深處..... 

親情何以珍貴?

因為親人無論做錯任何事你都唔會捨得掉低佢唔理,, 你只可以默默接受,, 繼而幫忙! 但幫到都話好, 幫唔到個心只會更難過&無奈!  尤其父母做錯事, 你更加唔可以大聲鬧佢, 教佢做人,, 我唯一可以做既就係祈禱.... 

其實只係想發洩下自己既情緒,, 無乜特別.... 識我既朋友唔該唔好打黎問我咩事或者想安慰我, 因為我唔想再提呢件事...

將心事寫低係個blog到,, 比開口同人講感覺還好.....

大家唔洗擔心,, 我無事!