產品介紹

好友少杰介紹左一隻for Men既護膚品牌俾我, 名叫LAB Series...

係大少上次臨走時, 我買左一套基本潔面套裝俾佢用(洗面奶, 爽膚水 & Day Cream)....佢返去杜拜後試用過話呢隻牌子真係好唔錯.... 洗完塊面感覺好爽, 唔會太乾...

前日, 同少杰去行連卡佛時諗住有連卡佛九折咭.. 所以我又為大少掃左一推貨.... 最後我地兩個夾埋買左二千幾蚊野! 

臨走少杰好精明咁見到個price無折到, 就問小姐 : 點解無折到九折既? Sale姐姐話 : LAB係連卡佛係無折架.... 攪到少杰你白白入定咁多貨, 真係唔好意思.. 因為我唔知原來LAB係無折!

之後我再係Paul & Joe 買左枝Mascara, 想買呢隻牌子好耐, 因為被佢個梳頭吸引住...

原價$250.. 九折後$225!  一邊係增長, 一邊係濃密!

我就係鐘意呢個梳頭... 但用後效果麻麻地.. 比起我用左五六年既Lancome,, 差好遠... 又唔夠撬, 又唔夠挺!

我用Lancome呢隻3D Mascara 已有五六年,, 好多朋友都會讚我D捷毛靚,,其實我本身唔算好長, 又唔撬, 但一擦完呢隻Mascara後, 就成對眼靚晒! 不過就要配用返佢隻卸眼液, 因為佢本身都防水好強,, 用其他品牌既remover好難卸得乾淨!  我試過去游水唔記得卸, 游完都無乜甩

原價約170 , 因為我長期用佢, 我平時會叫係機場做事既朋友幫我係duty free買, 有七折... 每次都買三枝作後備!  真係好GOOD架 (但留意, 佢有其他兩隻Mascara, 係無呢隻咁好用架, 一定要註明係3D防水個隻先係正貨!!) 其實想擁有一對靚靚眼睫毛,, 除左要揀雙好用既Mascara外, 夾眼睫毛既功夫都要好好至得, 我係到好難講點夾先靚, 但用一個好既夾都係Main Point, 我自己係用Shiseido既睫毛夾, 唔貴, 好似香港賣七八十蚊到... 但真係唔同沙沙, 卓悅個d架!

睇下我用左Lancome 呢隻Mascara對眼係咪精靈晒呢?! (自戀狂黎啦!!)

前日仲係Laura Mercier買左新粉底, 原價345, 連卡佛咭九折後$310,, 超好用呢! 我自己覺得, 夠薄, 又夠貼, 普通擦完make up base 再用呢個已經靚晒!  但切記本身塊面要夠保濕, 否則用任何一隻粉都會顯得好乾, 容易龜裂!

除左化妝品可以令女仕們變靚外, 內裡調節都好緊要! 我至愛既dad dad尋日燉左花膠鮑魚冬蟲草雞湯我飲... 我真係好愛我呢個daddy, 我知佢其實都唔識煲呢d野... 但佢知我不嬲都無乜呢d補湯飲.. 所以特登買個燉盅返黎煲俾我飲... 我真係好感動!!!

Daddy, 我知你有時都會睇我個Blog... 我想話, 呢D海味係ANDY買俾你補身架,, 你留返自己煲黎飲, 唔好特登整晒俾我食啦!!! 我地要食自己會再買架啦!! 多謝你一直支持我既決定! 我過左去杜拜, 你要自己好好照顧自己... 唔好要我擔心你呀... 我好愛你架!!! I love you ,, Daddy!