日本東京之旅 - 宮崎峻博物館

東京之旅其中一個站就係.....三鷹之森吉卜力美術館

去日本之前, 撞啱Esther又係去日本, 所以大家會傾下有咩地方好去... 好彩得佢提點, 知道如果想去三鷹博物館, 可以係香港買定入場券, 咁唔洗驚到時人多得濟, 買唔到飛入場 (因為聽人講好似有人流控制, 如果太多人係會停止售票架!)

如欲購買入場券, 可到日 航 天 地

地 址 ： 九 龍 尖 沙 咀 廣 東 道 9 號 海 港 城 港 威 大 廈 6 座 29 樓 2901 室
但注意票價係日本買係會平過香港! 另外入場時間都有分段架, 所以去之前要揀定日子及時間....

博物館外型

塲館內係禁止拍攝, 所以無辦法詳盡介紹入既究竟有d睇.... 不過總括黎講, 我覺得係值得去, 因為話晒宮崎俊d動畫咁好睇, 佢既博物館都唔會差得去邊.... 唯一唔好既就係唔俾人影相囉!

呢d係我偷影返黎既照片... hEeeeee

場內會展出宮崎峻d 真跡手繪圖.... 好靚架!

 
模型公仔, 做得好逼真! 尤其右手邊office個張!


 

唔知點解宮崎峻博物館會有呢隻野出現? 唔通宮崎峻有份參與?
 

 

呢到有SHOW 到宮崎峻平日工作室既實際模樣俾大家參觀!  好多手繪圖... 好多畫筆....好多書呀!!

經典貓巴士, 但只限俾小朋友入去玩... 我都好想入去呀!

男廁既裝飾都好有心思喎...(反而女廁我無乜留意到!)

呢到係唯一室外可以俾人任影既地方... 個個都會係到影到夠本先走!

場內除左有以上既野睇外, 仲會播放從未對外公開播映過既片段(例如龍貓, 亦有D片段係做左出黎而無公開到, 係呢到就睇到), 博物館內設有禮品部, 發售形形式式既宮崎峻作品, 有書, CD, 精品, 公仔等....  宮崎峻迷一定唔可以錯過呢! 

以上呢段片段好得意架,, 睇完你會讚嘆 ' 嘩, 好駛利呀!'