夜欄人靜最好做乜?

我覺得神創造萬物真係好偉大... 而且好有心思.. 好細微.... 有D覺得真係不可思意!

我成日都覺得人既性格, 思想, 行為係好獨特! 每個人都擁有自己獨特既特質...

不過,, 人始終只係一個人....

人係有感情, 有感覺, 有思維, 有自我保護能力..

但相對 ------- 人其實好脆弱!

每個人面對唔開心既事, 都有唔同方法去調節自己既心理,, 有唔同方法去舒援, 有唔同方法去喧洩!

我唔明白點解人唔開心會想流眼淚?

點解人遇到傷心既事會流眼淚? 

點解唔開心唔會狂笑, 唔會狂跳, 唔會做其他動作... 只會好自動自覺咁流眼淚?

好多人每日都面對緊唔同既問題, 難關, 唔開心既事...

但我相信唔係每個人都會一遇到問題或者唔開心既事就會喊....

可能由於面子問題, 地點問題, 年紀問題....等

覺得咁大個人唔好再為小而喊啦...

我都認同!  成日郁D就喊確係幾煩&無謂...

不過人始終係人..

係某些時候人仍然需要發洩自己心中既不滿, 唔開心, 唔公平, 痛心, 壓力等

今日, 天時地利人和...我屋企無人!

半夜, 我自己係被入面嚎哭了一場....大大聲, 淒慘地盡情發洩過去既唔開心.....

喊到口乾, 停一停, 食啖水,,, 再放聲痛哭...

喊到累, 用紙巾抺一抺眼淚..呻下鼻涕....平伏一下心情... 想喊...再喊.......

藉著今次嚎哭去發洩平時既壓力或者唔開心既事...

你問我因乜事喊?

其實好難講為乜事.. 只係想喊咪喊囉!

喊完個心好似無咁實,,, 希望再訓落床時, 我可以平靜咁訓一覺, 唔好再有眼淚流出黎.........

睇得我既blog耐既人, 都知我耐唔耐會發下勞騷...

又係個句,, 識得我既朋友唔好打黎問我做乜事唔開心, 其實我無事,, 只係好似一個汽球需要放下汽姐... 如果唔係好易爆!

喊.... 唔一定係慘, 只係我喧洩既一種方法!

我想喊, 我要喊, 我要放聲大喊!!!!!!