小南國狀元樓

今日同朋友去完尖沙咀shopping 後,, 坐船返灣仔再去銅鑼灣同朋友食飯!  已經好耐無坐船啦... 香港既夜景真係好靚, 不過空氣指數就真係強差人意!  尤其呢兩日, 又濕又焗.... 前兩日仲係十幾度, 今日又變返廿幾度... 真係睇少陣天氣報告都唔得... 小家要注意,, 唔好一覺唔留神病倒!

六點半個天開始黑... 各大廈既燈飾開始亮起... 如果個天唔係咁大霧, 呢張相應該會靚好多.....

夜晚約左秘書班同學食飯, 原本約好去總統樓上'泰簡單'定'泰鐘意'個到食... 點知一通電話, 朋友S同我講,, 喂, 我有個同事話小南國好抵食, 你有冇滙豐卡呀? 有D餐低至半價.....你去個到睇下有冇位, 有就轉去個到食啦!'

收線後, 我就急急腳走去SOGO隔離恒和鑽石大樓個間小南國到攞位,, 去到都未有人... 跟住坐低左, 見到佢個promotion牌寫住匯豐卡有折, 邊D套餐低至半價..又有特價菜式... 終於等到朋友們黎到, 我地研究緊叫套餐好定散叫好... 最後決定散叫! (因為個牌寫散叫都有九折)  當我地想揀牌入面D特價菜式時... 個小姐同我地講 : 唔好意思, 呢D優惠只限午市時段.... 跟住我地已經打左個'突', 下...  不過算啦,, 咁係咪用匯豐簽咭都有九折?? 個小姐話: 唔好意思, 都係無架, 要午市先有!

我地三個女仔互望後, 大笑一輪, 覺得好白痴, 特登放棄原有既決定走左過黎, 但原來係乜野優惠都無囉.....

不過都係得啖笑姐, 去邊到食都無所謂啦!

麻醬海哲頭 (略嫌海哲頭硬左少少!)

生煎包 ( 有湯汁係入面... 味道OK,, 唔算太好味!)

聖瓜炒什菇 (呢個好好味... 但感覺好多油,, 好肥!)

砂窩雲吞雞 (每人食到兩碗湯, 四粒雲吞.... 食完都已經好飽,, 隻雞無掂過咁濟,, 食唔晒!)

價錢 : $360 for 3....唔算平,,, 又唔算太好食... 可能我地無點到佢出名個D掛!