小BABY...

尋日同Cherry 一家人去食飯... 佢媽咪新添左個小BABY.. 不知不覺都已經6個月大啦... 之前佢得個幾月大時同依家個樣變左好多... 唔再係一團肉,, 依家眼仔碌碌, 好精靈, 個樣好靚仔!

呢張係洛天約個幾月大時影架,, 個時佢仲係一舊肉咁... 剩係識訓.... 但都好得意!

上面兩張已經係兩個月大時影架,, 短短一個月又有咁大既變化... 識笑得咁開心, 眼仔碌碌!

我每次見到可愛BB都會好肉緊, 今日好開心, 因為小BABY(洛天) 唔怕陌生人, 俾我地抱黎抱去都唔會咸...

 

Hello...洛天... 無見幾個月, 你又大個左咁多啦!  個個抱住你都唔捨得放手呀...希望你健健康康咁快高長大啦!!  不過你越大時, 就代表我都越黎越老.... 我唔想面對呢個事實呀!!!

我地係德福廣場間Spaghetti House到食飯,,, 平時我對 Spaghetti House 無乜好感, 因為覺得D野唔好食, 又貴... 但今日去食, 發覺佢地既食物好食左好多.... 雖然價錢都唔算抵食, 但好食既話, 貴D都無所謂!  不過我唔知係咪間間Spaghetti House既質數都係咁好.. 因為我平時食開太古城個間, 我自己覺得好差... 希望佢地係全線有改善, 而唔係剩係九龍灣德福廣場呢間啦!

頭盤 : 薯蓉焗田螺 (好味!)

煙三文魚凱撒沙律 (份量頗多, 新鮮,,, 好味!)

酥皮焗海皇湯, 因為太好味, 唔記得影入面D料..(超好味, 又多海鮮料.... 飲完都差唔多飽!)

蕃茄蝦焗天使麪 (好好味,, 蕃茄味好清新, 唔會太漏!)

海鮮焗墨汁飯 (好好味, 墨汁飯好搶味.. 海鮮都算多... 但有少少漏!)

肉醬濶麪 (較為普通... 但味道都OK)

食左以上咁多野, 如有滙豐咭有九折.... 埋單都係$499!