一日四餐!

喊左兩晚,, 應該消耗左丁屎咁多既卡路厘.....

今日決定唔好再為小事唔開心.... 我要化悲傷為食量.... 順道出去走走... 呼吸新鮮空氣!

今日約左朋友去食一直好懷念既蘭芳園.... 我諗好多人都無食過都聽過佢既大名!

牆上貼滿佢地既雜誌報導!  最出名當然係佢地既香滑絲襪奶茶... 連我唔食奶茶既人都覺得好香好好味...

仲有... 招牌疆蔥雞扒公仔麪! 賣公仔麪賣到發達,, 真係叻!

另外叫左一款叫做... 唔記得個名.. 有五香肉丁, 煎蛋 & 炸雞翼三隻...(但我覺得都係招牌雞扒麪好食好多!)

去開中環,, 食完周圍行下.... 之前睇聶品個blog.. 佢介紹中環九記對面有間叫做勝香園大排檔, 最出名係蕃茄湯底既麪... 我見橫掂黎開, 叫朋友一齊再去試下!

唔知係我飽定係點,, 味道覺得一般, 無傳說中咁吸引... 但無可否認, 我地三點幾去都係不斷全場爆滿!

食完就真係好飽... 跟住落返銅鑼灣去維園花展影相.... 影到約八點,, 又要醫肚!!!! 之前又係睇流浪影子既blog介紹日本料理,, 攪到我又口痕痕想食! 最後去左一間係銅鑼灣金百利七樓叫做'翹壽司'到食...

叫左一份雜錦壽司拼盤..... 非常新鮮,, 好好味!! 雖然唔平$220十四件... 但好好味!

 

仲有大大隻鮮蝦天婦羅....好味!

炸軟殼蟹.... 但我食完一隻蝦天婦羅已經漏漏地.. 呢碟已經覺得太濟啦!

再黎呢個煙肉卷蠔, 我都係食左一件就飽!

呢間仲有D好特別既菜式.. 有一款叫 "唔知點卷" 既紫菜卷, 仲有一款"是但啦" 刺身拼盤!

埋單 $390 for 2, 係D魚生好新鮮, 蝦天婦羅都OK,, 但價錢就貴左D!

我平時一日食一餐, 有時兩餐..... 今日一係唔食, 要食就食盡去啦!!!

最後window shopping完再去好耐無去既許留山到食甜品, 諗住呢間野依家都無人吼! 點知都係全場爆?? 奇怪??

呢款係新推介" 三色芒".... 一芒三種食法,, $35!

今日係咁食食食&周圍行... 忘記左唔開心既事..... 依家好累...希望可以好好咁訓一覺!

聽日再向迪士尼出發!!!!!

多謝大家一直既關心.. 我無事架啦! ^_^