我的玩具!

前日同朋友們一行五人去睇戲 --- "鬼差"  

我平時唔會睇恐怖片, 傷心片, 懸疑片等... 因為我份人實在太白痴, 好容易受電影影響情緒!

今次之所以肯去睇, 原因係唔想成日都打牌打牌咁無聊, 見又幾個人一齊去, 所以我都跟住去... 呢套戲,, 一般, 唔算太嚇人.... 又唔會太無理頭....評語 : 睇唔睇都得!

之後我知道商務書局大減價, 捉左兩個朋友一齊倍我去睇下有咩書好買... 一買, 就買左五本! 西歐遊上下篇原本大少臨走前已經想買, 個時都未有大減價, 依家有八五折買到, 感覺慳左好多...另外學語言個兩本, 一本$75, 兩本120...我覺得抵買, 又揀左兩本... 最後甜品書係因為覺得自己整蛋糕技術強差人意, 要買返本書黎惡補下.... 咁就洗左三百幾蚊, 好抵, 好開心!

之後去左玩具鋪睇我最愛既re-ment產品, 無係香港一排, 脫晒節... 出左好多新款!  其中一款係西餅系列.. 好靚... 雖然我屋企已經無位放, 仲有幾盒都未拆盒,, 但我都會買, 留黎將來間屋到先擺出黎....

首先, 要多謝少杰送呢SET和菓子玩具俾我, 少杰係我一個中學同學, 識左十幾年... 佢好錫我架!!! Thank You!

由於無拆, 只可影個盒俾大家睇, 有興趣想睇睇楚d, 可以

Click呢到!

返到屋企...心血來潮睇返自己個架到已放出黎既玩具,,, 不知不覺儲左咁多.... 影住某部份俾大家睇睇...

Supermarket凍櫃系列.....

朋友SAM亦係其中一位見到可愛和菓子玩具就會買黎送俾我既善心人!! haaaa Thank you!

有時就咁買呢D膠盒裝住D玩具都買到窮!

呢套係其中一套我最愛既日式食品... 出面應該買唔到架啦, 斷晒貨....

呢D真係做得好精緻, 可惜唔夠光, 睇得唔係好清楚!

魚生盒! 壽司盒! 我呢D咁為人既人見到就開心!

三文魚子係我既至愛.....  見到又想食添!

呢套係化粧品系列.... 佢地會模仿真實既品牌, 但唔會真係照抄show 名... 係咪好得意呢!

我D公仔多到無位再放啦....有D放到太高太入都睇唔到.... 

Darling, 你應承過我第時間屋會整個大大大大玻璃櫃俾我擺呢D架... i am waiting for u!