情人節快樂~

Happy Valentine's Day

記得上年情人節我揀左幾張希臘相俾大家分享, 作為情人節禮物! (上年情人節)

轉眼間,, 咁快又一年!!! 我又去相簿到搵返d 希臘醉人景色同大家分享 (其實係自己回味~)

希望有另一伴既你同你既"愛人"可以更加甜甜蜜蜜, 互相包容!!

未有另一伴既你都唔好失望,, 因為我相信緣份天注定, 可遇不可求,, 上天自然會安排一個好既俾你, 唔洗急架~

每次睇返希臘d相都會好回味,, 好想同大少再去多次!!!   其實有好多相都想同大家分享... 但我相信如果真係要揀相... 幾日唔訓都執唔晒 (又要加名, 又要resize!)

所以,, 我都係留返每年既情人節先同大家細味品嚐.. 一來唔會悶親你,, 我自己又可以不時回味下!!!!

一景一物都同postcard影出黎既係一模一樣... 估唔到自己都可以親眼見到!

六至七月係最好時候去... 唔凍唔熱.. 又唔多人!! 酒店房較平,, 影相取景都少d人同你逼~ 冬天既月份就唔可以去,, 因為近海,, 超凍, 而且好多酒店, 餐廳 & 商店都會休業

據聞政府有規定小島居民要十分著重環境整潔... 相隔一段小時間就要為地方翻新油油... 以確保白色小屋既美譽; 同埋好似要跟政府規定以白, 藍, 黃為主色...

所以去到小島上, 你會見到周圍既小屋都係白藍為主色,, 唔會有其他顏色!! 而且, 你都會發現成日有人係到掃地... 周圍都好乾淨, 好新... (以上資料唔記得係邊到聽返黎, 但後段就真係我自己親眼見到~ )

望住好似畫一般既景色,, 放個屁都香d ~ (oh, excuse me!! 太無儀態添!)

每日都欣賞到太陽落山... 好奢侈既生活呀..呵~

你地今晚又會點慶祝呀?? 

我仲係到趕緊工!!! 希望趕得切完成啦~

溫馨提示 :

見到好多朋友留言都話想去希臘... 我想提一提想去既朋友,, 最好唔好跟團呀..自己去可以睇多好多靚景, 又有足夠時間影餐飽!! 

因為我有朋友跟團去過,, 佢影既相完全同我個d係兩回事.. 佢話睇完我d相先發覺自己睇少咁多野... 而且最慘係跟團去到邊影相都會影到團友,,, 好無feel架!! 記得呀~