團年飯@中東

恭喜發財!!!

結左婚既朋友, 唔該將我封利是直接過入我戶口呀~~ 

多多益善, 少少無驅!!! 哈!!

祝大家身體健康, 心想事成, 生活愉快....yeah!!

******************************************************************************

今日我家作客, 邀請無返老家既同事過黎食團年飯!!

呢幾日都心思思唔知煮乜,, 話晒過年, 當然唔可以整西餐.. 一兩味過年必吃既餸點都要煮下掛!!

感謝主! 最後尚算一切順利... 而且味道都唔錯呀!! 大少話俾我一百分呀..heeee

住家滋潤靚湯 : 木瓜粟米螺片煲排骨.. 好清甜,, 顏色又靚!! 好啱過年飲呀.. 見到都開心~

第一味!! 發財好事~ 髮菜蠔豉花膠炆冬菇,, 其實又可以叫髮菜冬菇花膠炆蠔豉,, 又或者叫髮菜冬菇蠔豉炆花膠?! 究竟應該點排呢??

今次特登煮多d汁, 唔好望落好似好乾咁... 我最鐘意食髮菜.. 好好味!!

第二味!!  鮑汁煮津白伴鮑片, 之前daddy買俾我既罐頭鮑, 終於有機會開黎食啦!!  (其實呢味菜應該用生菜,, 生財麻!! 但我懶得去supermarket買,, 屋企有津白就食津白啦!! 一樣係菜(財) heeee)

第三味!! 鹽焗雞~ 嘩,, 第一次整.. 超正!! d雞肉勁嫩口,, 一d都唔'鞋'.. 做法又簡單.. 用鹽焗雞粉醃大半日, 放入焗爐焗一個鐘攪掂!!

最後一尾....  蒜蓉開邊蒸大蝦粉絲!!!  (d粉絲'索'晒d汁..好好味!!)

雖然得四個人... 但都食得好開心!!! 因為全部餸都清晒咁濟~~ 證明我煮既野都唔太難食啦!!

最後仲有唔少得既甜品~

我唔識做應節既年糕, 笑口棗等.. 但都做一款較中式少少既"桂花糖水晶糕"

顏色金金黃黃... 金黃滿屋呀!!

多謝YY Cake送呢樽桂花糖俾我,, 終於用得著啦!!  大家又食得好開心啊~~

食完飯.. 我地仲睇左場九點半!!!

戲院場地係我屋企... 電影名稱 : 穿Prada 的惡魔 (多謝朋友sam送既VCD)

大家都覺得套戲幾好笑,, 值得一看!!!  (原來野蠻奶奶既橋段有好多都同呢套戲好相似... 無X又抄人!! sigh)

新一年...希望大家都開開心心.. 笑口常開啊!!