咁都得?!

好耐無搓包啦... 星期六見得閒, 即刻整隻大吐司for黎緊幾日既早餐!!

焗好已經夜晚七點!! 原本諗住出街食既我地... 一人試左一塊,, 就好味到停唔到口~

大少隨即係雪櫃剿有冇野可以夾麵包食...

情人節個日買多左一包Salame,, 唔理咁多, 開左黎食先算!!!

就咁食同夾麵包食都一流呀!!!!!! (不過超肥~)

大少越食越不能自拔,, 仲話想煎多兩塊餐肉!!

我話 : 下,, 咁仲洗出去食飯既??
大少就話 : 新鮮出爐咁好食.. 好難忍喎!! 不如就咁食麵包算啦..夜D肚餓再算啦~~

就係咁.. 我以九秒九既速度去煲左個磨菇湯... 將原本係廚房食緊既'架餐', 搬晒出廳坐低慢慢嘆!!

真係咁都得?!   咁求其既一餐大少都食得咁鬼開心.. 係咁猛話 正..正..正..!!!

磨菇湯...

Salame 夾吐司, 第一次食...但原來好好味!!!

見到咁厚既吐司,, 我就好開心!!!

我條吐司... 原本諗住分一半俾同事, 自己留起一半做黎緊兩日既早餐... 點知最後得返1/3條!! 食埋聽日應該都會無晒~