扭計包

尋日post個款吐司, 原身係跟MC既湯種朱古力扭紋包做!! 一直以為自己已經post左出黎, 到尋日見有人問我攞食譜,, 睇真D... 原來過年前做既包, 到依家都未公開過...
噢, 呢個包包做得好成功架.. 一定要係到多謝MC 既食譜!!!!

由於係扭紋包, 所以要搓兩款麵團,, 我今次做既係玉桂扭紋吐司 (第一次發酵完成!)

 

兩款麵團加埋太多啦,, 我要分開兩個模黎焗!! 呢個係進行第二次發酵既樣..

嘩... 新鮮出爐既麵包特別靚仔.... 雖然個面剩係塗蛋漿, 但出黎既效果一樣會'令立立'

待涼後切黎試下... 掂呀!! 成功~~ 好香玉桂味!!! 大少激愛...

當然,, 又成為我地既早餐!!! 因為呢個吐司太大條... 我地足足食左四日... 但去到第四日都依然咁軟熟~~ 問你服未?!  (真係越黎越愛湯種食譜,, 我返HK會大量搜購!!)

當然唔少得要配返d餐肉蛋啦...

預備咁豐富既早餐, 就係我每日為大少打氣既最佳證明!! 希望佢食飽返工時充滿力量呀~~ (有冇睇過一套卡通片... 唔知做乜, 最後個主角會講一句 : 我已經足滿力量啦!!   嘻~ 我好無聊!)

d 包包既扭紋又扭得幾靚!!!!

食譜全COPY from MC 實驗室 (thank you MC)

食譜參巧 : 65'c湯種全麥吐司 (我更改了部份材料和做法)

基本麵糰材料 :
A) 高筋粉 240g,  糖 25g, 鹽 3g, 蛋 38g, 水 90g, 奶粉 15g, Yeast 4g.
B) 湯種 : 熱水 50g, 高根粉10g, (熱水 + 高根粉搞拌後放涼備用)
C) 牛油 25g.

可可麵糰材料: (Diana 改用玉桂粉)

A) 高筋粉 240g,  糖 30g, 鹽 3g, 蛋 38g, 水 90g, 奶粉 10g, 可可粉 8g, Yeast 4g.
B) 湯種 : 熱水 50g, 高根粉10g, (熱水 + 高根粉搞拌後放涼備用)
C) 牛油 25g.

做法:
1.) 先將材料(B) 混合備用,
2.) 將(A)部份混合後加入(B)拌勻成麵糰, 再加入 (C) 搓至光身和起薄膜狀,
3.) 麵糰放於溫暖地方進行第1次發酵 約60mins至2倍大,
4.) 取出麵糰捍平成長方型, 靜置15mins, 
5.) 將2款麵糰上下疊起並卷好, 把麵糰切數份,
6.) 按平後卷起並排放模內, 再發酵發 約60mins至2倍大,
7.) 以180度焗約 25mins 至金黃取出放涼便成.

(至於尋日post既吐司, 都係跟MC呢個食譜, 只係我無加扭紋部份, 只做原味及將原先材料加多1/3)