大年初一@中東

我一定要記低身在阿布達比過既新年!!! 俾自己係某年某月某日睇返,, 可能會好回味~ heee

今朝早一起身上MSN同DADDY拜個早年後, 又訓返!!! 到晏晝都唔識醒, 只係煮左個蝦子麵配(尋晚煮多左)既花膠炆冬菇俾大少食,, 待大少返工後,, 我又繼續昏迷.. 估唔到我既大年初一就係去左周公到拜年

雖然呢到乜野節日都無... 但今日係weekend既前一晚! 好多酒店餐廳都fully book,,無位食飯,, 唯有求其食啦~

呢間餐廳之前介紹過, 叫做Mugg & Bean, 最出名係Coffee, 蛋糕, Scone, Muffin etc. 大大隻, 食到你怕!

呢到既Muffin & Scone 好似拳頭咁大...  見過未?

Cookies 又係大大塊.. 見到好想買塊揸住影相,, 但又唔想食!

呢款普通蛋糕既直徑都已經比平時既蛋糕大多一半... 應該十幾寸大!

但最攞命係呢款,,, 約四寸高既King Cakes!!! So far都仲未有膽量挑戰! 你想唔想試?

環境都幾濶落, 以前都好鐘意同大少黎嘆brunch, 但依家覺得自己煮得好食d,, 好少黎lu...

雖然係夜晚, 黎到呢d餐廳唔飲杯咖啡,, 好似會淨緊d野!!

今晚食既係增肥餐!! 我叫左碗熱辣辣蕃茄湯...個包包好正, 又熱又軟!! 大少即時問我識唔識整?!

另外叫左個三文魚沙律... 估唔到佢配左薯餅,, 平時我同大少都唔鐘意食麥記薯餅, 但呢到呢d,, 巧巧味呀!!! 清晒~

大少竟然叫All day breakfast! 咁既早餐要成港紙大約50蚊,, 真係俾佢激死!

同事M叫既唔知咩芝士薄餅,, 好好味呀!! 好想研究下點整....

最後仲叫左兩個巨Scone食!! 一邊食, 一邊好有罪惡感~ 哈哈!!

其實食真係好開心... 尤其同一班啱傾啱講既朋友食飯,, 一齊Share食物, 講下笑,, 人生一大樂事~~

第一次大年初一食西餐!! 我地一邊食, 一邊係到話,, 好掛住香港既叉油雞飯啊~~