唔好話香港... 阿布達比既天氣一樣係持續寒冷!!!! 
前兩日仲有大風沙... 出街時, d風大到好似香港打風咁... 加埋d沙.. 真係唔可以開口講野!!
前幾日見到貓姐整既薑汁撞奶... 好正啊~~ 
上年啱啱過黎既時候做過一次,, 但唔成功呀!!! 之後都無再整過.. 今次睇返貓姐既recipe, 加埋'懶'係有多少少入廚經驗.. 我十足把握咁去馬呀~~
今次用既薑可能係老薑... 辣到我食完個咀有d孖潤FEEL~~ 好辣呀!!
睇下... 好似好掂咁呀!!!! 
最後都係宣告失敗!!!! 開頭幾啖係ok... 但底部個d都係凝得唔夠實!! WHY? WHY? Tell me WHY???? 次次人地一做就好成功既野.. 點解我次次都失敗???????? 
我唔夠薑再做多次啦!!! 成日都唔得..我唔玩啦, 哼! (除非有好心人俾個必勝秘訣我啊!!
)
**************************************************************************
食譜 (copy from 貓姐)
材料：(1碗)
牛奶 200 ml，糖 5 - 10 g，薑汁 1 - 1.5湯匙
做法：
1. 將薑汁放在碗底備用，如想辣可放多些；
2. 將牛奶加糖煮熱，切記不可煮滾，見有大量出煙便熄火，煮的時候要用羹攪拌，把所有糖完全溶解於牛奶中；
3. 準備一個大湯碗，將熱牛奶好似拉茶從高處直接倒入大湯碗，再倒回煲中，來來回回7次，這時候的溫度就差不多了；
4. 最後將奶倒入碗裡，待3至4分鐘後凝固便成
d奶唔同香港奶 ??
回覆刪除[版主回覆02/04/2008 15:13:00]極有可能!!!
我都幫你唔到呀，我對整里d，睇黎好簡單但其實係十級難度既野，完全無天份。
回覆刪除[版主回覆02/04/2008 15:13:00]其實我都係!! 無乜天份~
早辰! 如果有好心人勝你必勝貼士, 唔該話聲過我知得唔得? 我上一次又係好似你咁呀...面個層好似得, 承得起只匙, 點知一弗落去就唔掂啦...! 我重要好烏龍咁無落糖入d奶度, 薑汁又多得滯, 辣到我飛起呀.
回覆刪除[版主回覆02/04/2008 15:13:00]我同你個case咪一樣... 不過我有落糖..haaaaaaaaaaa
我又係一邊食, 一邊嗌辣...辣到個咀有D無知覺..hee
好似好簡單...實際又好難....
回覆刪除真係唔易整呢....如果唔係出面都唔會成廿幾蚊碗...
[版主回覆02/04/2008 15:12:00]但佢地又真係好易咁做到喎!!! 莫非我註命要洗錢先有得食?
原先見到第一匙都好似幾好....原來個心唔得,可惜我未做過,如果唔係我都有d經驗話過你知呀!!!
回覆刪除[版主回覆02/04/2008 15:12:00]初初以為真係掂啦,, 點知又係咁!
我未做過所以幫唔到你
回覆刪除如果你唔介意又有時間, 可以睇下我地以前班女工既心得
http://app1.rthk.org.hk/special/dessert/new/message.php?fid=1&topic_id=3108&page_no=1&catid=4&subpage_no=1&order=desc&suborder=asc
[版主回覆02/04/2008 15:11:00]勁呀!! 我一口氣睇晒佢地既對答... 個問題好似..個奶都好重要!! 但我係到點可能買到維記高鈣低B奶呢??
yummy, looks good. My cousin taught me that must stir the milk at least 50 times, I don't know why, but I just follow instruction, and it works!
回覆刪除[版主回覆02/04/2008 14:58:00]50times????要攪50times or 來回拉50times? 拉完咪無乜奶剩??
嘩! 呢幾日真係好冷, 最憎大風沙, 吹到成個露台都係沙, 又要清潔喇! 一直都好想整薑汁撞奶的 (好似好容易咁), 下, 原來咁難
回覆刪除[版主回覆02/04/2008 14:57:00]我以前都好恨有個露台... 但自從見到同事宿舍個露台污漕到呢.. 我就唔想要!! 因為真係要好勤力咁洗露台先會靚~~
其實又唔係咁難,, 我都唔明點解我唔得,, 你試下做,,可能你做到!
呢款我唔食架！白色既野我唔食！~~~~~~~
回覆刪除[版主回覆02/04/2008 14:55:00]噢, 原來你唔食白色野架? 咁白汁食唔食架??
(Empty)
回覆刪除好滑咁ar!
回覆刪除我係度都整個一次，都算成功，所以唔關呢度ｄ奶既事。我個時整係要倒黎倒去十一次，唔知有無關係。不過聽人講ｄ奶既溫度都幾緊要，可能我個次撞彩，撞啱咗。
回覆刪除我都好驚風沙 因為眼又要合埋, 又唔可以講野!!
回覆刪除辣到有孖潤腸 feel 就唔怕凍啦~ 其實你碗野睇上面又真係好得啵~
回覆刪除再接再勵 , 加油~~
回覆刪除Channel [知] - 陳冠希終於露面道歉
我識食唔識整, 不過聽人講話要用1.5 % fat的奶做先得喎.
回覆刪除人地話要將牛奶煲到 80度就撞落去，80 度個樣係大煙煲邊有 d bubble 咁喎，但我自己未試過，如果你有探熱針或者再試下得唔得囉，好似唔關多薑定少薑0既事。
回覆刪除祝你新年快樂！
要用全脂奶(在香港就可以用維記高鈣低脂奶都得)，同埋我會以拉茶方式來回倒合共10次架~
回覆刪除我媽媽和一個英國人叔叔都係住在亞布達比架...............!!
回覆刪除我都唔知喎~
回覆刪除但我聽過佢地講, 係d薑要夠老囉!
你再試下喇~
The trick is the ginger needs to be very very old, and you have to use 100% milk, can't be slim milk can't be other kinds. (If your ratio is right)
回覆刪除Oh, you don't have to mix it 7 times, once is enough. Try again.
上次我整又係唔多凝固
回覆刪除差底果d好似水咁...
都唔知點解!